Leve, gode Sünnerklaas
From Wikisource
| Leve, gode Sünnerklaas. | |
|---|---|
| Schriever: | Klaus Witt |
| Teksttyp: | Gedicht |
| Kommentar: |
|
| Stand: |
De tekst is noch geen keer korrekturleest. De tekst kann felers hebben.
|
Leve, gode Sünnerklaas,
treckst dör’t Dörp dar buten
mit den groten Winachssack.
Leve, gode Sünnerklaas,
kiek dör use Ruten.
Leve, gode Sünnerklaas,
vör dat Finster binnen -
o, wat maakt us dat en Spaaß -
leve, gode Sünnerklaas,
kannst us Tufeln finnen.
Leve, gode Sünnerklaas,
dröffst us nich vergeten!
Büst bi us denn ok de Baas,
leve, gode Sünnerklaas,
schenk us doch en beten!
Leve, gode Sünnerklaas,
treckst dör’t Dörp dar buten
mit den groten Winachssack,
leve, gode Sünnerklaas,
kiek dör use Ruten!
