La vespres de Sëlva

From Wikisource
Jump to navigation Jump to search
La vespres de Sëlva  (1921)  by Leo Runggaldier
ladin Gherdeina
grafia moderna

La vespres de Sëlva.


1.
Zacan pudovi jì cul chitl da la lina
Y śën muessi jì per pan y farina.

2.
Zacan pudovi jì cui ciauzei cujii ora,
Y śën muessi jì cui piesc tresora.

3.
Zacan pudovi jì a tëmp de luna,
Y śën muessi sté a cësa pra la cuna.

4.
Zacan pudovi jì a cianté y a balé,
Y śën muessi sté a cësa a nané y a bradlé.

5.
Zacan pudovi jì cun doi biei rucins,
Y śën muessi jì cun doi bur’ rampins.