La Santa
Cun aqueilhes uolhos doloridos i agonizantes, que drumian i acordában de minuto an minuto na pálida alcoba daquele rostro moreno, Dona Casemira tornara-se l culto de la graciosa cidade nortista. Pelo partido al meio, i repuxado subre l cránio cumo l de Rosita Rodrigo, to eilha era simplicidade eilegante, singeleza tenteadora, un misto, anfin, de candura i de pecado. Casada als dezoito, fura-le l marido para l Amazonas dous anhos depuis, nun boltara más. I staba yá cun binte i quatro, quando ls homes, que nun éran sou marido, ampeçórun a rondar-le la casa modesta, transformando-la, de refúgio d'a miséria, an secreto manancial de fartura.
An brebe, to la giente an Fortaleza sabie de la mudança ouperada, repentinamente, na bida de la Casemira. A las olheiras pula renúncia habien sucedido las olheiras pula abundáncia. I éran essas olheiras, satamente, que anganhában frei Manoel de la Pacificaçon, superior de l Carmelitas, l qual nun se cansaba de dezir, cula piedade ne l coraçon:
— Ye ua santa, la Dona Casemira; ua berdadeira santa!
Por trés anhos las beatas oubiran, sin protesto, aquel eilogio de l frade. Até que, un die, a la sue repetiçon, a la puorta de l cunfessionário, ua resolbiu protestar:
— Santa, nó, frei Manoel! Esso ye até un sacrilégio! To la giente sabe que Casemira bibe hoije, oura cun un, oura cun outro!
Frei Manoel era, mas, disses homes malucos, que nunca se deixan cumbertener.
— Pus, ye por esso mesmo que you a chamo santa, filha! — sclamou, par nun dar las manos a la palmatória.
— Diga-me ua cousa: la pia dágua-benta ye santa?
— Ye, si, senhor, frei Manoel, — cunfirmou la debota.
I l frade, bitorioso:
— I la pia nun ye un lhugar adonde todos meten l dedo?