In carriera
Jump to navigation
Jump to search
| ←L'è inscì!..... | In carriera (1894) by |
A scola→ |
E inscì sta tosa? cosa ghe fèmm dent?
La vedom sta bellezza sì o nò?...
– La ven subet, la ven, domà on moment...
La mia maggior l'è adree a sguralla giò...»
Duu oggioni negher, luster, sbèrlusent,
On faccinett de stria che sà giamò,
Cavej biond, tucc a rizz, bei sperluscent,
Fada a pennell des ann minga nanmò.
– Ma l'è on amor!... – El ved se gh'hoo reson?
– Làsset vedè, ven chi, voj, piscinina,...
L'è quel che cerchi, la me va benon –
Guardandela felice la mammina:
– La patiss pù la famm... l'è on mestee bon...»
Povera tosa! L'è ona modellina.