Heyder Cansa
Heyder Cansa yan ki Heyder Şahin 28.11.1956 de dewa Erzıngani Bağ de ame riyê dina. 1988 ra nat Ewropa de dıwela Almanya de cıwiyeno.
Karê firmaê de gurino, hem ki Bonê Kulturê Ma, Zaza Kulturhaus e.V. de dı geymi, yanê 4 serri serdarêni kerde. 10 serrio sermiyanênia Bonê Kulturê Ma dero. Ebe xo Zazaki de Kulturê xo sero nusneno. Gegane ki Tırki nuseno. Ey be embazanê xo ra Mannheim de 10 serri têdıma "Veyvê Kıtabu" yanê "Şênatiya Kıtaban" arde pêser, konserê Zazaki vısti tê. Zewejiyayiyo, dı domanê xo estê.
Be xo kılaman ki nusneno. Namey "Nêrê Mellê Mellê" ra jü lawıke ebe hewa u çekiyu ra vıraste. Na lawıke Yılmaz Çeliki 1994 de kaseta xoya "Veyvê Veyvê" de yemê (hetê) dıyine de vate.
Nıka ki wazeno albazanê xo ra pia Zazaki de yew kanalê televzoni ronê. No kanalê televizyoni be namey Zaza-TV ra dao be naskerdene (şınasnaene). Wazenê ke 2009 ya ki 2010 de phêl dero.
H. Cansay ra taê qese u kılami[edit]
Herê ma bi zırrêne
Kutıkê ma bi lawêne
Astorê ma bi hirrêne
Bıza ma biye qırrêne
Pısınga ma biye miawkêne
Gaê ma bi borrêne
Hesê ma bi lımêne
Xozê ma bi qortêne
Vergê ma bi zurrêne
İnsanê ma bi xunde ke zırçêne
--- --- ---
Mı derdi werdi, qotıki werdi,
Mı roc di, sewi di,
Mı mae diye, mı pi di,
Mı wae diye, bıra di,
Mı dost di, mı dısmên di,
Jê tu mordemo zor caê nêdi.
DİNA BÊ AĞ u İNTİZAR MEMANO[edit]
Tu şiya, ez mendane
Roz veciyo, germ zor kerdo
Şiya mı tu sero niya ke
Salê tu roc ver mevêse
Tu şiya, ez mendane
Serdê zımastani mı serd de
Tu lewê mı de niya ke
Ez tania to ra germ biyêne
Tu duri ra duri
Mı rê qesey kena
Vengê tu mı nino
Ez bê vengê tu mendane
Tu şiya, ez mendane
Ez qesey kenane
Vengê mı tu nino
Ez ebe xo teyna
Vengê xo hesnenane
Tu cêra ra, peyser yena
Ez ki cêrane ra yemê tu ser
Miyandê mın u to de
Ağwa tenıke menda
Xona ke roc nêesto
Tiji şirêne nêbiya
Ağwa tenıke raviarnime
Ez be to ra vırane têra fime
Na dina bê ağ u intizar memano.