Eridi canım

Todur Zanet
Eridi canım

Saat bleziy kolunda
Cins yaamurluu omuzda,
Kömür saçları daanık
Kayneerım bundan artık

Sesi - zil ötmesi,
Bakış - can öpmesi
Kaşlar - gaytan şiridi,
Eridi canım, eridi.

Allah koruyer onu,
Sevdanın olmaz sonu,
Ecelin kararı bölä...
Oluruz mu sanki bilä?!

Düşleri kooleerım uzaa
Ses seseder : Brak bu uşaa!
Sabur ver, Allahım,
Çetinnensin şu canım.

Salt olmasın canım taş,
O haliz kızkardaş...
Kömür saçları daanık,
Kayneerım bundan artık