De Stormflot
From Wikisource
| De Stormflot. | |
|---|---|
| Schriever: | Gustav Falke |
| Teksttyp: | Gedicht |
| Kommentar: |
|
| Stand: |
De tekst is noch geen keer korrekturleest. De tekst kann felers hebben.
|
Wat brüllt de Storm?
De Minsch is’n Worm!
Wat brüllt de See?
’n Dreck is he!
De Wind de weiht, up springt de Flot,
un sett up den Strand ehrn natten Fot,
reckt sick höger un leggt up’t Land,
patsch, ehre grote, natte Hand.
De lütte Diek, dat lütte Dorp,
de Flot is doröwer mit eenen Worp.
Dar is kien Hus, dat nich wankt un bewt,
dar wahnt kien Minsch, de morgen noch lewt.
Wat brüllt de Storm?
De Minsch is’n Worm!
Wat brüllt de See?
’n Dreck is he!
