De Scheper
From Wikisource
| De Scheper. | |
|---|---|
| Schriever: | Emmy von Dincklage |
| Teksttyp: | Gedicht |
| Kommentar: |
|
| Stand: |
De tekst is noch geen keer korrekturleest. De tekst kann felers hebben.
|
Lang de Schüppe
un de Kippe
un dat Haiken van de Wand;
kleppt de Misse,
driv ick wisse
mine Schaop in’t Heideland.
Hollah - oh!
Kaommt se alle
ut’n Stalle,
mine Schöäpkes bünd nich mack!
Se willt springen,
ick will singen
met min Brügge in’n Sack.
Hollah - oh!
Wenn ick breide
up de Heide,
wott de Dagg mi mangs to kott;
wenn ick slaope,
mine Schaope
use Hündken möiten mott.
Hollah - oh!
Kaom ick binnen,
sitt tau spinnen
achtert Weel de lüttke Maid.
Man de Buer
kick so suer;
’t is doch bäter up de Heid!
Hollah - oh!
