Cumò lu mond è biel pe' stravaganze
| Cumò lu mond è biel pe' stravaganze (1828) by |
| Poesie scelte edite ed inedite in dialetto friulano |
Macore fatto conte senz'abaco, discorre puntigli d' onore.
SONETTO
Cumò lu mond è biel pe' stravaganze
Di fa dut chel che al fàs simpri a redros;
L' ignorant vul fa il dot e il virtüos,
E lu muss vul fa il mestri di crëanze.
Stait a vedè, che il cùl devente panze,
Che la barbe ven calve, e il nas pelos;
E lu mond è tant mat e caprizzos,
Che al dirà che la mode ven di Franze.
In materie di onor no ves gran vene,
Sior cont, parcè che il uestri prin mistir
Fo di menà la sgaile, e no la pene.
Contadin, chiaradòr, e dopo ustir
Fo uestri pari; e vo saltais in scene
A volè tratà l' art dal cavalir?
Tornait al frëulir,
A la grape, a la uarzine, al picon;
Che in chest us stimi tant cu Ciceron.
Ma in chest ses tas cojon
A volè fa il pedant a un tal soget,
Se plui dal uestri studi al sa un so pêt.