Codex diplomaticus Anhaltinus/226
1311. Januar 28. Diemitz bei Halle. Markgraf Heinrich I von Brandenburg verspricht in dem Vertrage über die Häuser Grillenburg und Raspenberg dem Ertzbischofe Burchard III von Magdeburg Ersatz wegen des ihm durch die von Warmsdorf zugefügten Schadens.
We Henrich von der ghenade Goddes markgreve von Brandeborch unde von Landesberch bekennet opelike in disseme ieghenwerdighe breve, dat we uns hebbet gesoenet mit unseme achbaren herren ertzcebischop Borcharde von Meydeborch umme alle de ding, de twischen uns werrende weren, alsodane wis, dat he uns schal uth deme
banne laten unde lien unse ghud, dat he uns tho rechte lien schal. Derumme geve we eme dat eghen des huses thome Grellenberghe mit alle deme, dat dartho hort — —. Aver umme den schaden, den unse herre von Meydeborch spricht, dat eme gheschen si vonme hus thome Grellenberghe von den von Warmstorp, dar schole we eme umme helpen minne oder rechtes. — — Dast uns datsilve weder ghesche unde dat disse rede voltoghen werde, so sath unse herre von Meydeborch dartho twene schedeman, den von Mansfelt unde hern Hermanne von Wederden ghenant von Warmpstorp, unde we vorghenande markgreve hern Berenger unde hern Wikbolde. Were dat we an beident siden enes nicht hebben ne mochten, so scholde we enen also ghuden setten in sine stad. De vere scholet uns unde unse lude endrechttichliken entscheden twischen hir unde mitvasten: tweyden aber de vere, so hebbe we ghekoren hern Albrechte von Hakeborne den alderen tho eneme overman, de schal uns unde unse lude ghensliken untscheiden darna binnen eneme mande mit minne oder mit rechte gheystlik unde werlik. Alle disse vorbenumde rede ghantz unde stede tho haldene, hevet met uns en truwen ghelovet her Otte von Ylborch, her Berenger von Meldinge, her Otte von Depense, her Wibolt von dem Vorste, her Gevehart von Zorbeke, her Ernest von Reveninge, her Alexander von Cerniz. — — —
Disse bref is ok gegheven tho Demeniz bi Halle, an den iaren von Goddes bort dusent iar druhundert iar an deme elften iare, des dunredaghes vor unser vrowen daghe lichmissen.
Nach dem Originale vollständig gedr: Höfer älteste Urkk. deutscher Sprache 90–93; Gercken cod. dipl. Brand. I. 53; Biedel cod. dipl. Brand. II. 1. 303–304. – Vergl. no. 225.