Bukun ul dilrabo dildorlig‘ rasmin ayon aylab...
Bukun ul dilrabo dildorlig‘ rasmin ayon aylab
Olib burqa’ yuzidin jilvai xurshid son aylab.
Xiromon aylabon zebo qadin nozu ado birla,
Qadam qo‘ydi buzuq kulbam aro rashki jinon aylab,
Kelib boshim uza so‘rdi tag‘oful birla ahvolim,
Dedi: ey xasta, dardingni manga bildir bayon aylab.
Gahi behud yotarsan, bexo‘rdu bexob o‘lik yanglig‘,
Gahi yer-ko‘kni ko‘zg‘arsan fig‘on uzra fig‘on aylab..
Bo‘lib giryon ango man xasta izhor etmadim chun so‘z,
Kulub dediki: holing netkasen mandin nihon aylab.
Boshim yerdin kanorig‘a olib la’li ravonbaxshin,
Ravon og‘zimg‘a qo‘ydi so‘z so‘rog‘a komron aylab.
So‘rubman la’liniyu ul so‘rib holimni ohista,
So‘rushmoq bu ekan ma’shuqu oshiq iqtiron aylab.
Qilib o‘lg‘on tanimg‘a bu sifat jonbaxshlig‘ zohir,
Maqomin azmin etti qomati sarvin ravon aylab.
Kel, ey Rojiy, bu yanglig‘ harza go‘yliq tarkini etkil
Tahayyurg‘a holur el bu so‘zingni chin gumon aylab.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse