[ 56 ]
Cil nedebik
Ko lols su cigs flifik,
[ 57 ]
Lik distinön kanom lifi
Ya de deil glumik?
Jipul neb ob vön äspatof
In pag sembal smalik;
Lifayelis jöl älabof
E logodi löfik.
Va älabof gemis mödik
Sun äsäkob ofe.
“Si, vel binobs!„ ko stun anik
Ägepükof obe.
«Kiöp tän gems votik binoms?»
Ägesagof: «Blods tel
»In zif ya lonedo lödoms,
E tel binoms su mel.»
«Tel takedoms in seps omsa,
»Blodil e jiblodil.
»Ed us binom smadom mota
Nilü godafeil.»
«If tel lödoms in zif, e tel
»Binoms su mel, liko
»Jipul löfik, täno gems vel
Kanols binön kobo?»
Ägepükof ko smül löfk:
«Binobs kobo gems vel;
»Ye, su godafeil usik
En takedoms ya tel.»
»Ab if blod e jiblod olik
»Edeiloms, jipul,
»E takedoms in seps omsik,
Täno binols te lul.»
«Dis yeb glümik us seistoms;
»Kanob logön isa
[ 58 ]
»Sepis omsik, ibo binoms
Nilü smadom mota.»
«Ofen stogis oba stogob
»Lö seps omas stilik,
«Sotim ple oms i kanitob
Kanitili yofik.»
«Lebalüdo jiblod smalik
»Adeilof; suno
»Tän päpolof al sep ofik,
Iliedof mödo.»
«Äipledob lä sep ofa
»In hitatim büfik
»Us dis bims godafeila
Ko blod oba smalik.»
«Sun nifatim yed äkömom,
»E blod pöfik oba
»Täno al sep i päblinom,
Neb sep jiblodila.»
«Ab if in sül binoms nu tel,
»Gemis tän limödik
Labol?» — «Binobs kobo gems vel!»
Sagof ko smül-flenik.
«Nu lä lanels in sül lödoms
De gems olik ye tel!»
Ab vanliko! Jipul smalik
Ägepükof su vöd alik:
«Binobs kobo gems vel!»