Aylab sipehr zulmini men mubtalog‘a xos...
Aylab sipehr zulmini men mubtalog‘a xos,
Har dam qilur bir o‘zgacha ranju balog‘a xos.
Davron jafosi bormudurur barcha elga kom,
Yoxud emishmu jumlasi ahli vafog‘a xos.
Topdi bir ishg‘a har kishi olamda xosliq,
Johilg‘a rohat o‘ldi-yu, dono anog‘a xos.
Maxsus bo‘ldi rindg‘a dayr ichra jomi may,
Bor xonaqohda zuhd eli, zarku riyog‘a xos.
Ko‘pdur sobahat ichra parivash nigorlar,
Keldi malohat ul ko‘zu qoshi qarog‘a xos.
Har kimsa anglay olmadi anjomi korini,
G‘ayb ilmi, filhaqiqat, erur bir xudog‘a xos.
Qulluq tariyqi bimi umid o‘ldi, Rojiyo,
Qil o‘zni bandalik aro xavfu rijog‘a xos.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse