Andemm a fà la nanna?
Jump to navigation
Jump to search
"Andemm a fà la nanna?
Andemm, tesor, l'è ora!"
"Mamma, l'è anmò bonora,
làssem giugà ancamò".
"L'è tard, ninin; lusissen
i stell in ciel, la luna
l'ha inargentaa la cuna
e la te dis: ven chì!
Quanti fiolitt fià dormen
su quatter strasc magari
in terra e... lì in pari
la mamma la gh'è no".
"Andemm a toeuj?" "Sì, gioia!"
Ma adess ven quej de Pisa.
Ecco l'è già in camisa
e l'ha saraa i oggitt...
el dorma, poeu el se insogna
di fioeu senza la cuna...
el fa el cazzuu... la luna
le basa e la va via...