/დუდი 8

please do not remove empty parameters (see the template documentation).

ჸილოშტყებამი by [[Author:{{{author}}}|{{{author}}}]]

გინმათნგალი დავით ჯანჯღავა

საჸოროფო ჭარილი ტარიელიშჷ ნესტან - დარეჯანიშა პრიველჲას მენაჭარა

252.მუჟანსით გევგი მა მუში გურიშ აზრი დო ჭარილი;
გამათ მევჭარი; „თუთამაქ, სქანი ვავაორექ ვარილი.
ღორონთქ ნუ მუჩას მა თინა - მუთ ვარდას სქანი დარილი;
მევოტე ჭირი, მოზღიზღუ ჩქიმი დღა ოწოხ ნგარილი.“

253.ათეშ მეტი მუ თქვილიკო, მუში ქცევა მა მივწონე
ჸოროფილსჷ უსრულენი მუთუნი ვარე დასაღონე.
გურსჷ ვთქვილი: „ხატავეთი აწი ოკო ქოთ დევმონე,
ათეს მა ქემოვანწყილი ჩქიმი ძალჲა, ჩქიმი ღონე.

254.ნესტანიშე მოჩქუუმალირს ასმათისჷ ვუწი თენა -
გეგინოჩი: „ტარიელი დღას მუთუნსჷ ვადგარკენა.“
ქიმივღი დო ქედუნწყილი მუთი მიღუდ მა თაქ ღვენა;
ოშანალჲო მა ბეჭედი ვოჯღონჷ, ვთქვილი, ქიმივრჩქინა.

255.გეგიმვეშვიდები, იდუ, სიხარული ტანს მიფუნდეს.
ჭარილქ ბინდი გამინათუ, დაჩხირქ შქირტუ მუთი ვჭუნდეს.
ვოხედი დო ვქეიფენდი, სიდეთ ჩქიმიანი შუნდეს
შივჭყოლიდე თი დღა, სერი - ჩილჲამური ღვანწკის რჩხუნდეს.