334.მაფაშ სქილი დიდებული, განაჭირი თაშ მუქ პუ, ა?!
მონაჭარას წავიკითხე, ჭარილს გოჩინებაფუა:
თუმცა ტვენი შელჲასირსჷ პილჲუნს უსქილჲდუ ჭუა.
მარა, ონდარ გავრზუქუნი ჩქიმი დარდის ირფელს ვთქუა.
335.ვჭარუნდუ: ვძირი სისწ~ქვამა მა სქანი გასაკვირია:
სი ლიმა გინოგაფილსი გოცქვანდუ კოჩი ირია.
ზიტყვა ირჩქილე ჩქიმი დო თეთ მეგიღებუ ჭირია.
თე მენაჭარა ვეწყინა ვადაჟღირუა პირია.
336.მა ვიპუენ სქანიწკუმა, ჩქიმი გური თეს მედებუ.
ჩქიმი დუდი უსქანესი - გიფუჩუა - კოს ვერგებუ.
ჩქიმჷ დო სქანჷ შქას საჸოროფო ძაფეფი ჩხოროფა გებუ.
მისით - გარდა ღორონთიშჷ - მითინიშჷ ხე ვეხებუ.
337.თუმცა ობუნქ ჩილჲამურს სი, გირაგადუქ ტყურათ ვაბუნქ.
სი ათეთი ჸოროფასი ამტკიცენქ დო ჭაბას ჭაბუნქ.
ბრელი იტყუ მართალი რე, მუ ქიმინუ ათე ძაბუნქ.
მარა გეგი მუსით რჭარუნქ, ჭარილს ვჭარუ ვართი ვჟღაბუნქ.
338.ართს რთხულე შეასრული, ვედღონა თეშე დუდი,
რამაზისი მიდნაღელი სი ვარენო გიღუნ ქუდი.
რთხულე თინა ქუმაჩუქე, სი ათესენ ვაგმაცუდი,
გამა მირი სამანჯური. დიო მეტი რჭარა მუ, დი.
339.შვიდობითი ძირაფაშახ, მუთას რჭარუ მეტის მა, სუ“
თქუ თენა დო მუში ჭირი ოშიეჩშახ გაათასუ.
ტორონჯიში კვერცხიშ მაშხვა ჩილჲამური დიხას თასუ
ჸოროფაში მასინწარა ღორონთქ მუთუნ ვადაფასუ.
340.ტარიელქი დებნედუ დო ამბე მირუ გასაკვირი.
აი, მუწო ეთმეწარუნს თეს მაჯინე ხვალე ჟირი;
„დიხას ქედიშეფერცხელჲუ დაბუ თხომური- ზისხირი.
ჯიხვეფიში მენაგემი ტანი აფუდ დო გვაგვირი.
341.დიჭყუ ღურა უზიარე, თუმც გევობით სახეს წყარი.
თაშ ვფივქრენდით გაჯამედუ მალას სამარეში კარი.
ტანსჷ მიშუ ზისხირი დო თოლჷშე ჩილჲამურიშ ღვარი.
ორდუ ნგარა დო თვალჲუა - ბინდიქ იღუ სინთე დღარი.
342.ავთანდიქჷ შიწუხუ დო ნწარე ჩილჲამური ქუას ხუნდუ.
ვაის უი აძინუდუ დაჩხირ რზუდუ, დუღა ფუნდუ
მარა ავთანდიქ ჭირენსი შელჷბუ დო დუდი უნდუ.
. . . . . . . . . . . . . . . . . . . . . . .
343. .ავთანდიქჷ ტარიელი მოასულიერუ გვალჲო
ტარიელ თუმც მონქირაფილჷ ირჯებუდუ ხანგა ცალჲო.
ასეშახი ევშა თუტა გინირთუდუ მათხუალჲო - ;
სქიადა დო ვართი ღურა გინირთუდუ დაჩხირ - ალჲო.
344.ავთანდის უწუ: „ირჩქილჲუ ზიტყვეფი დაჩხირ - ალში.
მოკო სრულჲსი გიწუენ ამბე ჩქიმ მათხორალისი.
მონტუ მუში სი ხოლჲე , ჸილჲო დო თოლი ლჲალიში;
მარა სიძმაროთ ვავორწყექ, დარდი ქოპილჲუნს გვალ იში.
345.მა ძირაფაქ ასმათიშიქ გურს გამკოვწყუ კანჯო-ლეში.
მუჟანსით წიგნი მუჩუ დო სამანჯო სქვამის კილეში,
კილეს ქევღოლჲე ხათხოლჲო დო მა სისქვამა ვთქვილეში.
ქუდი გაგნივწყი, ვოჟღონი, ჭარუათ დუვონდღვილე ში.