*სერი მიჸორს თუთარჩელა

by ლუდუკი ძანძავა

please do not remove empty parameters (see the template documentation).

*სერი მიჸორს თუთარჩელა by ლუდუკი ძანძავა

სერი მიჸორს თუთარჩელა
მურიცხეფით ხანტურელი
ცხიმურიშ ჯინს ტაბაკი კველა
ყებურს ქოთომი შამფურელი.
ორკოლს ღვინი ოჯალეში
სქვერი მინდორო გოტებული,
ლუღი ნაწილა ოჭმარეში,
ბაჯარს დაჩხირი მონტებული.
სქვამი ცირაშ ხეთ ნაქარგა,
პაჭიჭი სქვამას მორგებული,
ვარყა ახალი ნახენდი ხანგა,
შულადირო მოთებული.
ნაპოში მორჩქილა ჩონგურით
აკაკიში წიმოჭყაფილი ობირაშე
ძუკუში სარანჯი თოფური
ზინთხი ეშაჸუნაფილი ოქუმ წყარშე.
მარულე დო შაყარუა
ძღაბიში გინოძირაფა,
ჯაში ჯინს ხოჯიში ტყაბარუა
შვებას ეთობირაფა.
დიარას კუჩხიში გერინელო
კოჩანიერი რაგადი
ჭიშკარს ცხენით მერინელო
ღართი კაბა დო ნაბადით,
ათენერი მიჸორს, ათენერი მწანს,
ღორონთიშ რსხებულო
წიმე ულა ირფელს თქვანს
პუნდათ გახარებულო.