*თე შარეფით
Jump to navigation
Jump to search
თე შარეფით ბრელქჷ იდუ,
მიკულირი ორე ანდა,
ბორჯიქ ბრელშა დოფშულიდუ,
ეკომირღუ ჸუდე-ღანდა.
აფუნც ზოთონჯ ქჷმომჸონუ,
ქჷმუბუნუ ორდოს სერი,
უფრაშ ჭუას ქიგნაჸონუ
გური- თეშით ფალისერი.
გილაფთხოზჷქ ლერსიშ ლაწკარს,
ხურჭკუმ მაფჷ ეციმილი,
წანეფს ხელათ ქიმკარაწკანს
ართიანსჷ ჭარა ჭვილი.
ჩქიმ ფირქი დო ჩქიმი რწუმა,
მუ რდჷ, მუ რე, მუთუნ ვაჩქუ,
ქიგნვოღური ლერსის ღუმა,
ჭუაქ ირფელ ეკოქანჩუ.
მოვულ, დიბჭყი ულა, რყება,
ანწ, ხიოლი, გონწყი ფსუა,
მარა, ვა რე დუდიშ რსხება,
ხვალე ჭვემა მიძირუანს.
2014 წანა. 27.მანგი