*გურიშ წვადილც
Jump to navigation
Jump to search
გურიშ წვადილც ცოდა მოგენს,
თე ნარტეფი ტყურათ ფხვილი,
ვორექ, მუჭოთ გასაჯოგე,
დორაგვაფილ-დონთხაფილი.
გორთილი რე შარა-კვალი,
ფირქი მეურც ცალით-ცალო,
ეშმაკ მიძახ, მაზაკვალი,
სადღემუშოთ მაჭყვიდალო.
კირიბცალო წირფე რინა,
ღორონს ფთხუე-მომინძალას,
ჩქიმ ღურელშა მიკორინა,
ბოშკოჩურო შურიშ ღალა.
მაჸვილარი ბორჯ იჯინე,
ჭარკანტია ირქენც ჟინე,
თაქ დოფსკიდი მა ჩიჩიე,
ცაშა ტკვათჷ ვეშელინე.
ქიგნუდვალჷ ირფელც ჸინი,
ღვინი მეწენც შურიშ მარანს,
თუდო, დოლოს გინვოჯინი,
გეშვაშვალანც წყარი ნარას.
არძა ჭუას ნარღი მებუ,
მორო ლექინ ორე ჯვარი,
ირფელ ართო მიკომლებუ,
გურც გოთანა ქუვახარი.
ირ შვანიში გჷნაჭყორი,
ტახილი რე ჭარაშ ხინჯი,
თაქ გევორექ სქანი ჭკორი,
ქომირსხი დო ქომიმინჯი.
2014 წანა, მელახი.
ოფუტე სალხინო