*ამდღათ ვამიჩქ
Jump to navigation
Jump to search
ამდღათ ვამიჩქ, მუ მოჭჷდჷ,
მიწოტებულჲ ვორდი ცალო,
გურიშ კუსაფჲ ცას ონჭჷდჷ,
მეხვალახეშ ხვამაცალო.
ხანძა დიხაშ ხანგა თია,
ხაბო-ხჷრხის მჷვობუდი,
ღიაბჲ გურშა მიკნარქია,
მფორჷნდ, მუჭოთ ღურელც ჭკუდი.
ხანნარკი დო ხანმერსხილი
არძა ართი მაფუდ, მარა
დღას ვეთმიშჷ შურიშ რსხინი,
გეწურაფილჲ ვარდჷ შარა.
გურიშ დურღენჲ გობცხონტინი,
ქიშვოხვილე ანდა ჭუა,
უბადობა მორჩქჷდ კინი,
ცოდაშ ხართის მიშნაჭუა.
ჭალაბერჲ დო ნაჭიროთა,
გურც თე ბედი ჭარაფუდუ,
ხვალე ჩქიმოთ ირთანდ ორთა,
რსიოლჲ დეგენჯარებუდუ.
ეფჲ ვაჸოფე ცაშა ნჭაფა,
ეკმიშირუ რინაშ ღართი,
სქანჲ ულა დო დათხინაფა,
ჩქიმოთ ღურუ ორე ართი.
2014. 26-27 ეკენია.