おもろさうし/第十
ありきゑとのおもろ御さうし 天啓三年癸亥三月七日 第十
[edit]
10-511（1）
一大主ぎや 天轟ろ 為る様に／ゑけ せぢ 勝て ちよわれ／又大主ぎや 天轟ろ 為る様に／大主ぎや 綾子浜 為る様に／又大主ぎや しつこ浜 為る様に／又大主ぎや 真南風穴に ちよわちへ／又大主［ぎや］ 鳥の杜 ちよわちへ／又大主ぎや 国廻り しよわちへ
一大ぬしきや 天とゝろ するやに／ゑけ せち まさて ちよわれ／又大ぬしきや あめとゝろ するやに／又大ぬしきや あやこはま するやに／又大ぬしきや しつこはま するやに／又大ぬしきや まはへあなに ちよわちへ／又大ぬし［きや］ とりのもり ちよわちへ／又大ぬしきや 国まわり しよわちへ
[edit]
10-512（2）
一昔初まりや／てだこ大主や／清らや 照りよわれ／又せのみ初まりに／又てだ一郎子が／又てだ八郎子が／又おさん為ちへ 見居れば／又さよこ為ちへ 見居れば／又あまみきよは 寄せわちへ／又しねりきよは 寄せわちへ／又島 造れてゝ わちへ／又国 造れてゝ わちへ／又こゝらきの島々／又こゝらきの国々／又島 造るぎやめも／又国 造らぎやめも／又てだこ 心切れて／又せのみ 心切れて／又あまみや衆生 生すな／又しねりや衆生 生すな／又然りば 衆生 生しよわれ
一むかしはちまりや／てたこ大ぬしや／きよらや てりよわれ／又せのみはちまいに／又てたいちろくか／又てたはちろくか／又おさんしちへ みおれは／又さよこしちへ みおれは／又あまみきよ よせわちへ／又しねりきよは よせわちへ／又しま つくれてゝ わちへ／又くに つくれてゝ わちへ／又こゝらきのしま〳〵／又こゝらきのくに〳〵／又しまつくるきやめも／又くにつくらきやめも／又てたこうらきれて／又せのみうらきれて／又あまみやすちや なすな／又しねりやすちや なすな／又しやりは すちや なしよわれ
あけしのが節[edit]
10-513（3）
一地天鳴響む大主／星の形 もちろちへ ちよわれ／又天地鳴響む若主／又やゝの御衣 召しよわちへ／又星の形の 御きゝ帯／又せぢ真剣 差しよわちへ／又声数の鳴り清ら／又足下 揺らしよわちへ／又奥渡 しく渡 敷きよわちへ／又奥渡 舞う渡 踏みよわちへ／又波轟り 踏みよわちへ／又風直り 差しよわちへ／又肝突ゝ通し 先立て／又仏崇べ 先立て／又天降れ大君 先立て／又国降れ大君 先立て／又天加那志 しぢやけわ／又天清らは しだけわ
一ち天とよむ大ぬし／ほしのかた もちろりへ ちよわれ／又天ちとよむわかぬし／又やゝのみしま めしよわちへ／又ほしのかたの みきゝうび／又せちまつるぎ さしよわちへ／又こえかすのなりきよら／又あもと よらしよわちへ／又おくと しくと しきよわちへ／又おくと まうと ふみよわちへ／又なみととろ ふみよわちへ／又かさなおり さしよわちへ／又きもさゝとうし さきたて／又ほとけたかへ さきたて／又あまおれ大きみ さきたて／又くにおれ大きみ さきたて／又天かなし しちやけわ／又てにきよらは したけわ
うちいではおしかけ節[edit]
10-514（4）
一斎場嶽 御嶽／ゑよ ゑ やれ 押せ／又そこにや嶽 御嶽／又三庫裡 在つる／又三庭あしやげ 在つる／又雪の色のつま黒／又真白雪のつま黒／又金京鞍 依り掛け／又銀京鞍 依り掛け／又玉しりぎや 依り掛け／又玉くみぎや 依り掛け／又苧の糸 真腹帯／又雲子手綱 依り掛け／又大君の 召しよわちへ／又国守りぎや 召しよわちへ／又与那覇浜 降れわちへ／又馬天浜 降れわちへ／又浦廻り 召しよわちへ／又崎廻り 召しよわちへ／又東方に 歩みわ／又てだが穴に 歩みわ
一さやはたけ みちやけ／ゑよ ゑ やれ おせ／又そこにやたけ みちやけ／又さんこおり あつる／又さんみやあしやげ あつる／又よきのいろのつまくろ／又ましらよきやのつまくろ／又金きやくら よりかけ／又なむちやきやくら よりかけ／又玉しりきや よりかけ／又玉くみきや よりかけ／又ておのいと まはるび／又くもこたつな よりかけ／又大きみの めしよわちへ／又くにもりきや めしよわちへ／又よなははま おれわちへ／又はてんはま おれわちへ／又浦まわり めしよわちへ／又さきまわり めしよわちへ／又あかるいに あよみわ／又てたかあなに あよみわ
大きみぎやときとやりぎや節[edit]
10-515（5）
一大君ぎや／いと珍ら 召しよわちへ／歓へて 競い漕ぎ しよわちへ／又国守りぎや／玉珍ら／又朝凪れが し居れば／又夕凪れが し居れば／板清らは 押し浮けて／又棚清らは 押し浮けて／又船子 選で 乗せて／又手楫 選で 乗せて
一大きみきや／いとめづら めしよわちへ／あまへて けわいこき しよわちへ／又国もりきや 玉めづら／又あさとれか しよれは／又ようとれか しよれは／又いたきよらは おしうけて／又たなきよらは おしうけて／又ふなこ ゑらて のせて／又てかち ゑらて のせて
大きみぎやいとめづらが節[edit]
10-516（6）
一大君ぎや／時 取遣り 降れわちへ／歓へて 島踊り 勝りよわちへ／又国守りぎや／吉日 取遣り／又今日の良かる日に／又今日のきや〳〵る日に／又大君ぎや／島内富 召しよわちへ ／又国守りぎや／京の羽撃ち 召しよわちへ
一大きみきや／時 とやり おれわちへ／あまへて しまより まさりよわちへ／又くにもりきや／ゑか とやり／又けおのよかるひに／又けよのきや〳〵るひに／又大きみきや／しま内とみ めしよわちへ／又くにもりきや／けおのはねうち めしよわちへ
あけしのが節[edit]
10-517（7）
一聞へせぢ新君／大島 鳴響も おもかは／上がて おわちへ／若い人 行き合て 見ちやる／又鳴響もせぢ新君／又朝凪れが し居れば／又夕凪れが し居れば／又板清らは 押し浮けて／又棚清らは 押し浮けて／又船子 選で 乗せて／又手楫 選で 乗せて
一きこへせちあらきみ／たしま とよも おもかは／あかて おわちへ／わかいきよ いきやて みちやる／又とよもせちあらきみ／又あさとれか しよれは／又ようとれか しよれは／又いちやきよらは おしうけて／又たなきよらは おしうけて／又ふねこ ゑらて のせて／又てかち ゑらて のせて
うらおそい節[edit]
10-518（8）
一聞得大君ぎや／てるかはは 宣立てゝ／按司添いしよ／天下 添い／又鳴響む精高子が／てるしのは／又いせゑけり按司添い／御肝内は 嘆くな／又いせゑけり貴み人／肝が内は 嘆くな／又軍 押し発てば／大君す よ治らめ／又精百 押し発てば／精高子す よ治らめ／又国持ちのはうら／神座庭よ 世添いて／又浦寄せのもどろ／おぼつ庭よ 寄せて／又国かねのはうら／島は 平らげて／又浦治めもどる／国 広く 世添い
一きこゑ大きみきや／てるかはは のたてゝ／あちおそいしよ／天下 おそい／又とよむせたかこか／てるしのは／又いせゑけりあちおそい／おきもうちは なけくな／又いせゑけりたゝみきよ／あよかうちは なけくな／又いくさ おしたては／大きみす よしらめ／又せひやく おしたては／せたかこす よしらめ／又くにもちのはうら／かくらなよ よそ居て／又うよせのもとろ／おほつなよ よせて／又くにかねのは浦／しまは たいらけて／又うらひちめるもとろ／くに ひろく よそい
きこへ大ぎみちやくによせたるあぢおそいが節[edit]
10-519（9）
一煽り雲の按司／大国 知らたる／討ちちへす 戻れ／又天降り雲の按司／又首里親軍／又ぐすく親軍／又板門 攻めつけて／又金門 攻めつけて／又板門 攻め出ぢやちへ／又金門 攻め出ちやちへ／又まゝき 追い詰めて／又てら辺 追い詰めて／又百人 斬り伏せて／又七十人 斬り伏せて
一あおりくものあんし／ちやくに しらたる／うちちへす もとれ／又ておりくものあんし／又しよりおやいくさ／又くすくおやいくさ／又いたちや せめつけて／又かなちや せめつけて／又いたちや せめいちやちへ／又かなちや せめいちやちへ／又まゝき おいつめて／又てらほ おいつめて／又もゝそ きりふせて／又なゝそ きりふせて
うらおそいおもろの節[edit]
10-520（10）
一石てんが おもろ／真人の 競〔い〕ぢよ 見物／又金てんが おもろ／又今日の良かる日に／又今日のきやかる日に／又聞ゑ按司添い／又鳴響む按司添い／又京の内綾庭に／又京の内奇せ庭に／又物参り しよわちへ／又てら参り しよわちへ
一いしてんか おもろ／ま人の けわ〔い〕ちよ みもん／又かなてんか おもろ／又けおのよかるひに／又けおのきやかるひに／又きこゑあんしおそい／又とよむあんしおそい／又きやのうちあやみやに／又きやのうちくせみやに／又物まいり しよわちへ／又てらまいり しよわちへ
きこへさすかさがよなおせが節[edit]
10-521（11）
一聞ゑ蒲葵治り人／見遣り欲しや 首里の／珍らしや 算 有る／又鳴響む蒲葵治り人／又今日の良かる日に／又今日のきやかる日に／又東方は 崇べて／又てだが穴は 崇べて／又やねの年 成らば／向かう年 成らば／又よく果報 するむ／又命果報 するむ／又首里杜 知られゝ／又真玉杜 知られゝ／又按司添いに 知られゝ／又貴み人に 知られゝ／又百歳ぎやめ ちよわれ／又百度ぢやめ ちよわれ
一きこゑこはせりきよ／みやりほしや しよりの／めづらしや さに ある／又とよむこはせりひと／又けおのよかるひに／又けおのきやかるひに／又あかるいは たかへて／又てたかあなは たかへて／又やねの年 ならは／又むかう年 ならは／又よくかほう するむ／又のちかほう するむ／又しよりもり しられゝ／又またまもり しられゝ／又あんしおそいに しられゝ／又たゝきよに しられゝ／又ひやくさきやめ ちよわれ／又もゝとちやめ ちよわれ
きこへこばせりきよみやりぼしやが節[edit]
10-522（12）
一聞ゑ差笠が／よけ よう 世 直せ／世う 直さ／又鳴響む差笠よ／又今日の明けとまに／又今日の明け立ちに／又東方に 見遣れば／又てだが穴に 見遣れば／又紫の綾雲／又紫の貫ち雲／又島中根 通り／又国中根 通り
一きこゑさすかさか／よけ よう よ なおせ／世う なおさ／又とよむさすかさか／又けおのあけとまに／又けおのあけたちに／又あかるいに みやれは／又てたかあなに みやれは／又むらさきのあやくも／又むらさきののちくも／又しまなかね とおり／又くになかね とうり
きこへこばせりきよやれけが節[edit]
10-523（13）
一十島島添い／群れ舞て 漕げ 綱や 強く／ゑやれ 添いや 強く／又聞ゑ国治り人／又朝凪れが し居れば／又夕凪れが し居れば／又板清らは 押し浮けて／又棚清らは 押し浮けて／又船子 選で 乗せて／又手楫 選で 乗せて
一としましまおそい／ふれまて こけ つなや ちよく／ゑやれ おそいや ちよく／又きこゑくにせりきよ／又あさとれが しよれは／又ようとれが しよれは／又いたきよらは おしうけて／又たなきよらは おしうけて／又ふなこ えらて のせて／又てかち ゑらて のせて
あかんおゑつきがかいとりが節[edit]
10-524（14）
一聞ゑ蒲葵治り人／け やれ け／又鳴響む蒲葵治り人／又朝凪れが し居れば／又夕凪れが し居れば／又板清らは 押し浮けて／又棚清らは 押し浮けて／又船子 選で 乗せて／又手楫 選で 乗せて／又しちよ木や 潟原に／又まきしや 潟原に／又細波 立てば／又夫婦波 立てば／又鈴の鳴り し居れば／又金の鳴り し居れば／又百人 矛 持たちへ／又七十人 弓 持たちへ／又百人 さだけわちへ／又七十人 しだけわちへ／又東方に 歩で／又てだが穴に 歩で
一きこゑこはせりきよ／け やれ け／又とよむこはせりきよ／又あさとれか しよれは／又ようとれか しよれは／又いたきよら おしうけて／又たなきよら おしうけて／又ふなこ ゑらて のせて／又てかち ゑらて のせて／又しちよきや かたはるに／又まきしや かたはるに／又さゝらなみ たては／又めよとなみ たては／又すつのなり しよれは／又かねのなり しよれは／又もゝそ ほこ もたちへ／又なゝそ ゆみ もたちへ／又もゝそ さたけわちへ／又なゝそ したけわちへ／又あかるいに あよて／又てたかあなに あよて
[edit]
10-525（15）
一首里真人 げらへ真人／だりじよ 世添い／又ぐすく真人 げらへ真人／又玉纏 選で 差ゝちへ／又鎧 選で 着せて／又嶺間くびり 七十人 倒ちへ／又儀保くびり 百人 倒ちへ／又此れど 首里 此れど ぐすく／又首里 ちよわる 按司添い／又ぐすく ちよわる 按司添い
一しよりま人 けらへま人／たりしよ ゆそい／又くすくま人 けらへま人／又たまき ゑらて さゝちへ／又ゆろい ゑらて こせて／又みねまくひり なゝそ たうちへ／又きほくひり もゝそ たうちへ／又これと しより これと くすく／又しより ちよわる あちおそい／又くすく ちよわる あちおそい
大ぬしぎや天とゞろが節[edit]
10-526（16）
一大主ぎや せぢ新せぢ／知らたる 実に またたるよ／又大主ぎや 魚取り遊び／又大主ぎや 舞う渡遊び／又風直す せぢ新せぢ／又海直す せぢ新せぢ／又算知らぬ み御船数 押し浮けて／又数知らぬ ゑそこ数 押し浮けて
一大ぬしきや せちあらせち／しらたる けに またたるよ／又大ぬしきや よとりあすひ／又大ぬしきや まうとあすひ／又かぜなおす せちあらせち／又うみなおす せちあらせち／又さにしらぬ みおねかす おしうけて／又かすしらぬ ゑそこかす おしうけて
てやんおなちやらが節[edit]
10-527（17）
一首里国なる按司／又ぐすく国なる按司／又首里 ちよわる 按司添い／又ぐすく ちよわる 按司添い／又今日の良かる日に／又今日のきやかる日に／又大君は 崇べて／又国守りは 崇べて／又上下は 集へて／又地離れ 揃いて／又石へつは こので／又金へつは こので／石ら子は おり上げて／又真石ら子は 積み上げて／又波の上は げらへて／又端ぐすく げらへて／又物参り しよわちへ／又てら参り しよわちへ／又神も 誇りよわちへ／又権現も 誇りよわちへ
一しよりくになるあんし／又くすくくになるあんし／又しより ちよわる あちおそい／又くすく ちよわる あちおそい／又けおのよかるひに／又けおのきやかるひに／又大きみは たかへて／又くにもりは たかへて／又かみしもは あとへて／又ちはなれ そろいて／又いしへつは このて／又かなへつは このて／又いしらこは おりあけて／又ましらこは つみあけて／又なみのうへは けら経て／又はなくすく けらへて／又物まいり しよわちへ／又てらまいり しよわちへ／又かみも ほこりよわちへ／又こんけんも ほこりよわちへ
[edit]
10-528（18）
一さとしこいぢやるよ／ゑ け やれ 櫂取り／又吾のこゑぢやるよ／又朝凪れが し居れば／又夕凪れが し居れば／又板清らは 押し浮けて／又棚清らは 押し浮けて／又船子 選で 乗せて／又手楫 選で 乗せて
一さとしこいちやるよ／ゑ け やれ かいとり／又あんのこゑちやるよ／又あさとれか しよれは／又ようとれか しよれは／又いたきよらは おしうけて／又たなきよらは おしうけて／又ふなこ ゑらて のせて／又てかち ゑらて のせて
あおりくものあんじの節[edit]
10-529（19）
一聞得大君ぎや／大国 寄せたる／按司添いしよ 鳴響め／又鳴響む精高子が／又いせゑけり按司添い／又いせゑけり貴み人／百歳せぢ 勝れ／又首里杜ころ達／又肝 強く 実に あれ／又みまわすころ達／肝 強く 実に あれ／又気有る精遣り富／又気有る天降り富／又肝迷い しめて／又肝迷い しめて／又首里杜あせ等は／土斬りに 斬らせ／又真玉杜あせ等は／土斬りに 斬らせ／又浦の数 きゝ／相手為て 守ら
一きこゑ大きみきや／ちやくに よせたる／あちおそいしよ とよめ／又とよむせたかこか／又いせゑけりたゝみきよ／ひやくさせち まされ／又しよりもりころた／又きも ちよく けに あれ／又みまわすころた／又あよ ちよく けに あれ／又けあるせやりとみ／又けあるておりとみ／又あよまよい しめて／又きもまよい しめて／しよりもりあせらは／つちきりに きらせ／又またまもりあせらは／みちやきりに きらせ／又うらのかす きゝ／あいてなて まふら
あけしのが節[edit]
10-530（20）
一神加那志 神清ら／煽る 漕がせや もどる／雲は 来遣り／金島 走ちへおわちへ／又のろ加那志 のろ清ら／又朝凪れが し居れば／又夕凪れが し居れば／又板清らは 押し浮けて／又棚清らは 押し浮けて／又船子 選で 乗せて／又手楫 選で 乗せて
一かみかなし かみきよら／あおる こかせや もとる／くもは きやり／こかねしま はちへおわちへ／又のろかなし のろきよら／又あさとれか しよれは／又ようとれか しよれは／又いたきよらは おしうけて／又たなきよらは おしうけて／又ふなこ ゑらて のせて／又てかち ゑらて のせて
あがる三日月が節[edit]
10-531（21）
一ゑ け 東方の端日／ゑ け 咲い渡るの桜／しけ〳〵と 降り差ちへ／今日より あいいてるむ／又ゑ け てだが穴の端日／又ゑ け 朝凪れが し居れば／又ゑ け 夕凪れが し居れば／又ゑ け 板清らは 押し浮けて／又ゑ け 棚清らは 押し浮けて／又ゑ け 船子 選で 乗せて／又ゑ け 手楫 選で 乗せて
一ゑ け あがるいのみづかわ／ゑ け さいわたるのさくら／しけ〳〵と おりさちへ／けおより あいいてるむ／又ゑ け てだがあなのみづかわ／又ゑ け あさどれが しよれば／又ゑ け ようどれが しよれば／又ゑ け いたきよらは おしうけて／又ゑ け たなきよらは おしうけて／又ゑ け ふなこ ゑらで のせて／又ゑ け てかぢ ゑらで のせて
[edit]
10-532（22）
一ゑ け よう 聞へおわもりや／ゑ け よう 島世 討ち取りよわちへ／又ゑ け よう 鳴響むおわもりや／又ゑ け よう 今日の良かる日に／又ゑ け よう 今日のきやかる日に／又ゑ け よう 聞へ按司添いや／又ゑ け よう 鳴響む按司添いや／又ゑ け よう 大君は 崇べて／又ゑ け よう 精高子は 崇べて
一ゑ け よう きこへおわもりや／ゑ け よう しまよ うちとりよわちへ／又ゑ け よう とよむおわもりや／又ゑ け よう けおのよかるひに／又ゑ け よう けおのきやかるひに／又ゑ け よう きこへあちおそいや／又ゑ け よう とよむあちおそいや／又ゑ け よう 大きみは たかべて／又ゑ け よう せたかこは たかへて
[edit]
10-533（23）
一聞ゑ蒲葵治り人／首里の 珍らしや／又鳴響む蒲葵治り人／又朝凪れが し居れば／又夕凪れが し居れば／又板清らは 押し浮けて／又棚清らは 押し浮けて／又船子 選で 乗せて／又手楫 選で 乗せて
一きこゑこはせりきよ／しよりの めつらしや／又とよむこはせりきよ／又あさとれか しよれは／又ようとれか しよれは／又いたきよらは おしうけて／又たなきよらは おしうけて／又ふなこ ゑらて のせて／又てかち ゑらて のせて
[edit]
10-534（24）
一ゑ け 上がる三日月や／ゑ け 神ぎや金真弓／又ゑ け 上がる赤星や／又ゑ け 神ぎや金細矢／又ゑ け 上がる群れ星や／又ゑ け 神が差し櫛／又ゑ け 上がる貫ち雲は／又ゑ け 神が愛きゝ帯
一ゑ け あがる三日月や／ゑ け かみきやかなまゆみ／又ゑ け あかるあかほしや／又ゑ け かみきやかなまゝき／又ゑ け あかるほれほしや／又ゑ け かみかさしくせ／又ゑ け あかるのちくもは／又ゑ け かみかまなきゝおひ
しよりくになるあんじが節[edit]
10-535（25）
一あれや この 櫂取り／又押せや この 櫂取り／又てやん女ぢやらの／又肝痛女ぢやらの／又女按司やれどむ／又ゑどむ按司やれどむ／又女童が 御衣 選で／又白口が 御衣 選で／又おり結いは 為る〳〵／又稚児結いは 為る〳〵／又赤木櫂 突く〳〵／又よす木櫂 突く〳〵／又十櫂船 なて／又八櫂船 なて
一あれや この かいとり／又おせや この かいとり／又てやんおなちやらの／又きもちやおなちやらの／又おなこあんしやれとむ／又ゑとむかんしやれとむ／又めやらへか みしゆ ゑらて／又しらくちやか よそ ゑらて／又おりよいは する〳〵／ちこよいは する〳〵／又あかきいやこ つく〳〵／又よすきいやこ つく〳〵／又とかいふね なて／又やかいふね なて
みやりぼしやが節[edit]
10-536（26）
一みなにまちらすが／果報百選び／又とむにまちらすが／又渡嘉敷の吾が成さ／又なりむらの吾が成さ／又なりむらのそやけご／又百選びは 押し浮けて／又八十選びは 押し浮けて／又船頭撓い御船／又主撓い御船／又風 向かて 湧き上がて／又きた 向かて 湧き上がて／又雨 降り遣り 澄み上がて／又くれ 降り遣り 澄み上がて／又おさん嶽 ぬき当てれ／又真東風穴 のき当てれ
一みなにまちらすか／かほうもゝゑらひ／又とむにまちらすか／又とかしきのあかなさ／又なりむらのあかなさ／又なりむらのそやけこ／又もゝゑらひは おしうけて／又やそゑらひは おしうけて／又せとしないおうね／又ぬししないおうね／又かせ むかて わきあかて／又きた むかて わきあかて／又あめ ふりやり すみあかて／又くれ ふりやり すみあかて／又おさんたけ ぬきあてれ／又まこちあな のきあてれ
あけしのが節[edit]
10-537（27）
一中辺綾の天／君ぎや やぐめさす／みとろ金 みおやせ／又雲辺綾の天／主が やぐめさす／又あふ雲の鎧は／積み上げて みおやせ／又精の精富に／積み直ちへ みおやせ
一中べあやのてに／きみきや やくめさす／みとろかね みおやせ／又くもへあやのてに／ぬしか やくめさす／又あふくものよろいは／つみあけて みおやせ／又すゑのすへとみに／つみなおちへ みおやせ
ねいしまいしが節[edit]
10-538（28）
一伊敷下 世果報／寄せ着ける 泊／又愛し金殿よ／又石へつは こので／又金へつは こので／又伊敷 寄り直ちへ／又なたら 寄り直ちへ／又楠は こので／又大和船 こので／又大和旅 上て／又山城旅 上て／又珈玻㼈買いに 上て／又手持ち買いに 上て／又思い子の 為す／又わり金が 為す
一いしけした ようかほう／よせつける とまり／又かねしかねとのよ／又いしへつは このて／又かねへつは このて／又いしけ よりなおちへ／又なたら よりなおちへ／又くすぬきは このて／又やまとふね このて／又やまとたひ のほて／又やしろたひ のほて／又かはらかいに のほて／又てもちかいに のほて／又おもいくわに ためす／又わりかねか ためす
しよりくになるあぢが節[edit]
10-539（29）
一いちなはの鳴響み浦／歓へ誇よる 清らや／又新崎の鳴響み浦／又今日の良かる日に／又今日のきやかる日に／又稲米や 降ろちへ／又新米や 降ろちへ
一いちなはのとよみうら／あまへほこよる きよらや／又あらさきのとよみうら／又けおのよかるひに／又けおのきやかるひに／又いなこみや おろちへ／又あらこみや おろちへ
かいふたの大ころが節[edit]
10-540（30）
一平良こしらへや／降れ直せ 神々／又杜のこしらいや／又今日の良かる日に／又今日のきやかる日に／又我謝杜に 降れわちへ／又根立て杜に 降れわちへ／又百人 引ちへ 降れわちへ／又七十人 引ちへ 降れわちへ／又あまみやふた 降れわちへ／又しねりやふた 降れわちへ／又首里杜 降れわちへ／又真玉杜 降れわちへ
一たいらこしらへや／おれなおせ かみ〳〵／又もりのこしらいや／又けおのよかるひに／又けおのきやかるひに／又かちやもりに おれわちへ／又ねたてもりに おれわちへ／又もゝそ ひちへ おれわちへ／又なゝそ ひちへ おれわちへ／又あまみやふた おれわちへ／又しねりやふた おれわちへ／又しよりもり おれわちへ／又またまもり おれわちへ
[edit]
10-541（31）
一大みつのみぢよい思い／追手 乞うて 走〔り〕やせ／又古里のみぢよい思い／又みぢよい思いが 初旅／又みぢよい思いが 新旅／又御酒盛り所／又御神酒盛り所／又弟者部は 誘やり／又乳弟者は 誘やり
一おおみつのみちよいもい／おゑちへ こうて は〔り〕やせ／又ふるさとのみちよいもい／又みちよいもいか うゑたひ／又みちよいもいか あらたひ／又よさけもりところ／又みゆきもりところ／又おとちやへは さそやり／又ちおとちやは さそやり
こばせりやれけが節[edit]
10-542（32）
一阿嘉んお祝付きが 櫂取り／又饒波んお祝付きぎや／又朝凪れが し居れば／又夕凪れが し居れば／又板清らは 押し浮けて／又棚清らは 押し浮けて／又船小 選で 乗せて／又手楫 選で 乗せて
一あかんおゑつきが かいとり／又ねはんおゑつききや／又あさとれか しよれは／又ようとれか しよれは／又いたきよらは おしうけて／又たなきよらは おしうけて／又ふなこ ゑらて のせて／又てかち ゑらて のせて
しらしよきなわが節[edit]
10-543（33）
一聞ゑ鬼の君／ゑ やれ しく しけ／掛けて 漕がせ／又鳴響む鬼の君／又朝凪れが し居れば／又夕凪れが し居れば／又板清らは 押し浮けて／又棚清らは 押し浮けて／又船子 選で 乗せて／又手楫 選で 乗せて
一きこゑおにのきみ／ゑ やれ しく しけ／かけて こかせ／又とよむおにのきみ／又あさとれか しよれは／又ようとれか しよれは／又いたきよらは おしうけて／又たなきよらは おしうけて／又ふなこ ゑらて のせて／又てかち ゑらて のせて
たいらこしらいか節[edit]
10-544（34）
一君直り 若君／うら〳〵と 押せ／又君 若く 大君／又朝凪れが し居れば／又夕凪れが し居れば／又板清らは 押し浮けて／又棚清らは 押し浮けて／又船子 選で 乗せて／又手楫 選で 乗せて
一きみなおり わかきみ／うら〳〵と おせ／又きみ わかく 大きみ／又あさとれか しよれは／又ようとれか しよれは／又いたきよらは おしうけて／又たなきよらは おしうけて／又ふなこ ゑらて のせて／又てかち ゑらて のせて
せしきよかなぐすくが節[edit]
10-545（35）
一首里いちや子が／漕ぢへ来居る 清らや／又ぐすくいちや子が／又朝凪れが し居れば／又夕凪れが し居れば／又板清らは 押し浮けて／又棚清らは 押し浮けて／又船子 選で 乗せて／又手楫 選で 乗せて
一しよりいちやしか／こちへきよる きよらや／又くすくいちやしか／又あさとれか しよれは／又ようとれか しよれは／又いたきよらは 押し浮けて／又たなきよらは おしうけて／又ふなこ ゑらて のせて／又てかち ゑらて のせて
うらおそいおもろの節[edit]
10-546（36）
一勝り人が 船遣れ ゑ／沖縄按司添いす ちよわれ／又浮き揚がりぎや 船遣れ／又無気手てゝ 思な／又あよててゝ 思な／又下の世の主の 揃い／又按司又の按司の 揃い／又真誇りの女ぢやら／又精継ぎの女ぢやら／又親の基貢／又あさが基貢／又乞うては 得らたな／又乞うては 佩きよわな／又隠ちへ 得たる／又盗で 佩ちやる／又酒甕に 入たる／又神酒甕に 入たる
一まさりきよか ふなやれ ゑ／おきにやあんしおそいす ちよわれ／又うきあかりきや ふなやれ／又なけちてゝ おもな／又あよててゝ おもな／又しものよのぬしの そろい／又あんし又のあんしの そろい／又まほこりのおなちやら／又すゑつきのおなちやら／又おやのもとかまへ／又あさかもとかまへ／又こうては ゑたらな／又こうては はきよわな／又かくちへ ゑたる／又のすて はちやる／又さけかめに 入たる／又きみかめに 入たる
くにぢやかが節[edit]
10-547（37）
一久米のこいしのが／船遣れ拍子／又百浦こいしのが／又朝凪れが し居れば／又夕凪れが し居れば／又板清らは 押し浮けて／又棚清らは 押し浮けて／又船子 選で 乗せて／又手楫 選で 乗せて／又月の若清らが／又てだの若清らが
一くめのこいしのが／ふなやれひやし／又もゝうらこいしのか／又あさとれか しよれは／又ようとれか しよれは／又いたきよらは おしうけて／又たなきよらは おしうけて／又ふなこ ゑらて のせて／又てかち ゑらて のせて／又つきのわかきよらか／又てたのわかきよらか
こがせが節[edit]
10-548（38）
一久米のこいしのが／地道 歩む様に 漕がせ／又百浦こいしのが／又朝凪れが し居れば／又夕凪れが し居れば／又板清らは 押し浮けて／又棚清らは 押し浮けて／又船子 選で 乗せて／又手楫 選で 乗せて／又飽かず遣り添い／又君の遣り添い／又東方に 向かて／又てだが穴に 向かて
一くめのこいしのか／ちみち あよむやに こかせ／又もゝうらこいしのか／又あさとれか しよれは／又ようとれ しよれは／又いたきよは おしうけて／又たなきよらは おしうけて／又ふなこ ゑらて のせて／又てかち ゑらて のせて／又あかすやりおそい／又きみのやりおそい／又あかるいに むかて／又てたかあなに むかて
[edit]
10-549（39）
一久米のこいしのが／国高よ 若人が／玉寄せ御船／又百浦こいしのが／又朝凪れが し居れば／又夕凪れが し居れば／又板清らは 押し浮けて／又棚清らは 押し浮けて／又船子 選で 乗せて／又手楫 選で 乗せて
一くめのこいしのか／くにちやかよ わかきよか／たま世せおうね／又もゝうらこいしのか／又あさとれか しよれは／又ようとれか しよれは／又いたきよらは おしうけて／又たなきよらは おしうけて／又ふなこ ゑらて のせて／又てかち ゑらて のせて
こがせが節[edit]
10-550（40）
一久米のこいしのが／鳥ぎや 飛う 鳥／又百浦こいしのが／又朝凪れが し居れば／又夕凪れが し居れば／又板清らは 押し浮けて／又棚清らは 押し浮けて／又船子 選で 乗せて／又手楫 選で 乗せて
一くめのこいしのか／とりきや とう とり／又もゝうらこいしのか／又あさとれか しよれは／又ようとれか しよれは／又いたきよらは おしうけて／又たなきよらは おしうけて／又ふなこ ゑらて のせて／又てかち ゑらて のせて
かいふたの大ころが節[edit]
10-551（41）
一外間大屋子が／やゝと 押せ やちよこ達／又意地気大屋子が／又今日の良かる日に／又今日のきやかる日に／又朝凪れが し居れば／又夕凪れが し居れば／又板清らは 押し浮けて／又棚清らは 押し浮けて／又船子 選で 乗せて／又手楫 選で 乗せて／東方に 歩みよわ／又てだが穴に 歩みよわ
一ほかま大やこか／やゝと おせ やちよこた／又いちへき大やこか／又けおのよかるひに／又けおのきやかるひに／又あさとれか しよれは／又ようとれか しよれは／又いたきよらは おしうけて／又たなきよらは おしうけて／又ふなこ ゑらて のせて／又てかち ゑらて のせて／又あかるいに あよみよわ／又てたかあなに あよみよわ
うちいではおしかけ節[edit]
10-552（42）
一あけしのゝ神にしや やれ け／やゝの弥帆 煽らちへ／又あけしのゝのろにしや／又なよ笠の 船頭 上手／又孵で清らが ゆ取り 上手／又なよ笠の 手取り 上手／又波の手や 船腹に 撓い／又風の手や 帆袋に 撓い／又苧の糸は／もで合わし遣り 水縄せ／又苧の糸は／押し合わし遣り 手綱せ
一あけしのゝかみにしや やれ け／やゝのやほう あふらちへ／又あけしのゝのろにしや／又なよかさの せど ちやうす／又そてきよらか ゆとり ちやうす／又なよかさの てとり ちやうす／又なみのてや ふなはらに しない／又かせのてや ほうふくろに しない／又ておのいとは もてあわしやり みなわせ／又ておのいとは／おしあわしやり たつなせ
[edit]
10-553（43）
一世直さがゑそこ／ゑ け やれ け／又神にしやがゑそこ／又朝凪れが し居れば／又夕凪れが し居れば／又板清らは 押し浮けて／又棚清らは 押し浮けて／又船子 選で 乗せて／又手楫 選で 乗せて／又浦廻り しよわちへ／又崎廻り しよわちへ／東方に 歩みよわ／又てだが穴に 歩みよわ
一よなおさかゑそこ／ゑ け やれ け／又かみにしやかゑそこ／又あさとれか しよれは／又ようとれか しよれは／又いたきよらは おしうけて／又たなきよらは おしうけて／又ふなこ ゑらて のせて／又てかち ゑらて のせて／又うらまわり しよわちへ／又さきまわり しよわちへ／又あかるいに あよみよわ／又てたかあなに あよみよわ
うちいではさはしきよが節[edit]
10-554（44）
一聞へ押笠／鳴響む押笠／やうら 押ちへ 使い／又喜界の浮島／喜界の盛い島／又浮島にから／辺留笠利かち／又辺留笠利から／中瀬戸内かち／又中瀬戸内から／金の島かち／又金の島から／せりよさにかち／又せりよさにから／かいふたにかち／又かいふたにから／安須杜にかち／又安須杜にから／あかまるにかち／又あかまるにから／崎ぎや杜かち／又崎ぎや杜から／金比屋武にかち／又金比屋武から／崎枝にかち／又崎枝から／親泊にかち／又親泊から／首里杜にかち
一きこへおしかさ／とよむおしかさ／やうら おちへ つかい／又きゝやのおきしま／きゝやのもいしま／又おきしまにから／ひるかさりかち／又ひるかさりから／中せとうちかち／又中せとうちから／かねのしまかち／又かねのしまから／せりよさにかち／又せりよさにから／かいふたにかち／又かいふたにから／あすもりにかち／又あすもりにから／あかまるにかち／又あかまるにから／さききやもりかち／又さききやもりから／かなひやふにかち／又かなひやふから／さきよたにかち／又さきよたから／おやとまりにかち／又おやとまりから／しよりもちにかち
[edit]
10-555（45）
一かいふたの大ころ／やふら 押せ やちよく達／又金杜の大ころ／又大ころが 真庭に
一かいふたの大ころ／やふら おせ やちよくた／又かなもりの大ころ／又大ころか まみやに