ჸა უხორცქუ ბინეხეფს
Jump to navigation
Jump to search
ჸა უხორცქუ ბინეხეფს
გაწიორუ ბორია,
უფერუანს ფურცელეფს
შორ შარაშე მობრთია.
ეშაკარკანტ, გაბაჯალ,
ჸაშ ყერტეფსი გართუაფ,
ჯინჯეფს კაკალ-კაკალო
გალაჸაფუ, გალუაფ.
ბინეხეფსი თეშ ხოლო
ჸუჯშა ველუფაჩუაფ,
ვარძირავა ჩქიმ ხოლოს,
ყერტეფ მუძირგინუაფ.
ბარჯგეფს ქოხუტოლუ დო
თოლო ვა მუძირუაფ,
გოგერგილი ბორია,
კვარჩხ-მორძგვშე ურთინუაფ.
ბორიას გურს ნაწყუნეფ
ჯერღვეფ ქაწუსოფუაფ,
ხონარ უკუღალუო
ულა ქოუსხუნუაფ.
მეჸუნს შარას ბორია,
ვერქენს, ვართი მიღირთაფ,
ფერ აწოდინაფილო
ჭანდარიშ ჯას მიკინგარს.
ბორიაშ სიცოდილით,
ჭანდარს ფურცელ ქუდურღვაფ,
მელე-მოლე ფურცელეფ
ბორიას ქუსხუპუაფ.
გურშა ხუტოლაფირო
შორშა ქუფურინუაფ,
ჭანდარიში ფურცელეფ,
ჟი-ჟი ულაჸაფუაფ.