ჯარგვალია
Jump to navigation
Jump to search
ჯვეშო ჯარგვალც მულარდესუ,
ფაცხა თის რდჷ მიკოსქვილი,
ოდას ყამბარით რთუნდესუ...
ისურით რდჷ ჯარგვალ რთვილი.
წყარი ვაკლეშუ ართი ჭვეთი,
მეტრას ქორდკო გინოთილი.
ჯარგვალი დო ოდა სქვამი _
სუფთა ეზო მოკვანწილი,
ოქრო-ვარჩხილი თინა რდჷ თქვანი _
სისო, ქიბა, სავე, სამი.
თეს ირფელცუ ასქვამანდუ
მარგალი კოჩიშ მუკოქუნა,
"ჩერგესკა" დო "აზიატსკეფი",
ჩე "ბაშლაყუში" გინოქუნა.
სო რე ასე თი ჯვეშ ჯარგვალი
ვარა თი ჩქიმი ქვერსემი ოდა
ფაცხას შურო მი თქუანცუ
აკა ვარე თენეფ მოდას,
დრო უკახლე დღას ვადირთუ
ვარა ჯვეშ დროქ მუჭო მორთას,
ოდო ქორე ბჟა დო თუთა
თენა ირფელ თაშ ოკო რდას.