ჭიჭე ცუცუ

by ლაშა გვასალია

please do not remove empty parameters (see the template documentation).

ჭიჭე ცუცუ by ლაშა გვასალია

მეურს შარას ჭიჭე ცუცუ
თოლიკაკაშ ნაკვაზერი,
ბარბანჩია ელმორზ გურსუ
მბოლანს შურსი ნაკვაჩხერი...
 
შარა ვარე ვეგებხანგე
თოლსერეფი ძირაფილი,
მუ უჭირა ჩქიმ მანგეფსუ
ხვახვა აფნა შკირატილი...
 
იბცხვანტალუქ ნაჭვიშორო
მანგარინე ჸოროფათ,
მუ მაღოლე აბა მორო
გურ ებშა მაფ ჭოროფათ...
 
ხვამილაფა გინმოტენს
სოიშა ნირსიშ შაყარუა,
ოღურალო გიმოწენს
ურაგადუ გურიშ ჭუა...
 
მიქვაქვალუ ჭიჭე ცუცუ
პეურეფი კორობილი,
მემიჩქ შხვაშო ჭვაჭუნს თოლს
ჩქიმი სკვამი ჸოროფილი!..