ჭარაშ გეშა ერჩქინელი

by ლაშა გვასალია

please do not remove empty parameters (see the template documentation).

ჭარაშ გეშა ერჩქინელი by ლაშა გვასალია

ტორონჯეფი ღუმინუნა
ერქემს მასქურ გალააფუ,
ღურღშე ეფურნელი ზესქვი
ნირსის მუკი- მუკი გართუ...

ორთა მუშო ფურცქინუნსი
კონკას ლური მენჭაფილი,
სქურიცალო იკარკალუ
ლერს ჟინცაშა მეჭარილი...

რინაშ სქიბუს გართუ ანზრი
ვარვალეფშე ეფალირი,
ღურუცალო უშულადუ
ჭუაცალო ელაფირი...


ჭარაშ გეშა რჩქინელ ლერსი
შურ დო სიტყვაშ მათხილარი,
ღორონთეფიშ თოლიშ სინთე
ჩქიმი თელო მავილარი!