ცუცა
"სარკოს გეჩიებუქ მიდა.. ასე ვორდ ქართის
საპონით ტან გიბომნ, იპიქ მაქ არტისტ
აბა, ტყურა ქოფთქუენ ღორონთ ვამჩანს მარდის
მთელ ქართ მუკონწყუმაშა ლაფენს ნარდის
ტანს, იფრელს ფორუნს ფერ ვენკვოხვილე ნამთინს
ბანკიშ პარკიშა მინიბლ... მუ მოკოდ' მა ბოროს
თიჯგუა ამბე რე თოლწკურილ აფ' ღორონთს
ონჯღორექ დუმაგურ, ქინკიპტყობ ოროს
შორშე გითვოჭვიტინე, მიკვაუნ დო ბკოროცხ
მაეჩა გენკოფთვალინ... ჩქიმ ცუცა გიფჩინ!
ქართალ ყაზახ წკუმა ქორდ' ხონილ-ხონილ ხვირჩინს
ხელეფ დუდშა იფაფთურე, ქიგუვაშკვ' კიჟინ:
ანწ ოსურო გიონანქო?! დოზოჯ' დო იჯინ
ოვაჭრებშა გოიტეს დო ანწ მუჭო მორო
ცუცა რექ კოტეშ ძღაბ თუ მერლინ რექ, მონრო?!
ათაშ მიდართ' ათე ამბექ, ქუმოფხვად ქართის
აშო დიბრთ... ჩქიმდე იშენ დღას ვეგშურს არტისტ!
დებკინენქ ბერგ დო ბარს, ჩხვინდით ბთხორუნქ დიხას
ცუცა ქართალ ყაძახიქ იონას დო იღას...
ძღაბიშ ხეს ქოფთხინქ სოფელარ მიხას
ანწ ვარია ვარაგადე... ქართის ვორდ პატენ დიდხანს!"