ცაშმოკონი

by ლაშა გვასალია

please do not remove empty parameters (see the template documentation).

ცაშმოკონი by ლაშა გვასალია

ცაშმოკონი კარკუნტია
მუნაფათი გვიგვილერი,
ფიჟვ მასქურით გომბარილი,
ნირსიშ ომპათ გორინელი...
 
ცია რექ-და, ცია ორდა,
ჩხორო თოლით კიბირელი,
გურშე ხვამათ ეშულირი,
წვალებათი კიბირელი...
 
უღორონთე ქიანასი,
შურიშ ჭარათ მეზიმილი,
რინაშ ბირათ ერჩქინელი
ბორჯიშ შუფის გეზვინილი...
 
ცაშმოკონი ცა რე კუნტა
სერ–წკურუმიშ ოტყობინე,
ნჭყოლირ შურიშ მახვილარი,
მაბონალ დო თელო მინჯე...
 
ცაშმოკონი შურ–ბორია,
კორკონტეფშა ჭურინელი,
ჩხონაფა დო ხვამა შკასი –
ეფუნელ დო გურგინელი...
 
ცაშმოკონი – შურიშ ომპა –
ათასნერო კარკუნტელი!..