ცას მუნაფა გეციმედო*
Jump to navigation
Jump to search
ცას მუნაფა გეციმედო,-
პიჯ უჭოფუ მათუალი,
ჯიმაღურელ ჩიტემქ მუთუნ
გლახა ამბე ვათქუანი.
გური სქანი შინაარსი,
ენწყუმილო ვანობჷჩქვენო,
დობღურუნო სქანი დუდი,
ჩქიმ ჸოროფა ვანორჩქვენო.
ხათე გური მუთ ვაუჩი
განშე მიწურუანდინი,
ღურაშ მეტო ვამიჩქუდუ
მა სი ვაგაუნუდინი.
ჩქიმდა გიღალატებუდო,
ჩქიმ ოსხუნურ ნორვენო,
დობღურუნო სქანი დუდი,
კოჩიშ გური ვანორღვენო.
ჭიჭე ცირა ქვაქვალა,
აწი შური ვაქალა,~სი ბოშის ვაძირუნქ
ორდას ჩქინი მასქვამა.
შური შეწუხებული მაფუ,
გური აკოკორიფილი,
ირო ხოლოს მოკო ორდას
ჩქიმი სქვამი ჸოროფილი.
ირო თაში ვიპიქიდა
ღურა უჯგუ, მუშა ვორდა.
შურო მუთუნ ქორწანსუ და
ვემნიიდვა ჩქიმი ცოდა.