ჩქიმ თოლეფსი ზღვა ილენსი

by ივეტა წითაშვილი

please do not remove empty parameters (see the template documentation).

ჩქიმ თოლეფსი ზღვა ილენსი by ივეტა წითაშვილი

ჩქიმ თოლეფსი ზღვა ილენსი,
ზღვაში გურსი ცა ისარკუ,
სკან თოლეფსი დიხა ინწყუ,
დიხაშ გურს წკვერემ იკვანწუ,
იშო-აშო, დიკი-ეკი
ზღვა დიხას ეკარდ დო ეკილ,
უკმელას ვალ დო მერეხიქ
ჯა დო ქუა გემწას გენწკირ,
მუს მიჯინექ, მიჯინექი,
ვა გოშკურნო ვაირსხენი,
დიხა ინწყუ, ზღვა ილენსი,
შარა ვარე ვადინენი,
ირთუ-მართუ ცა დო წკვერემქ
წორო-წორო დირცქინესი,
ვარა სი დო ვარა მავა,
ირფელ ართო ართი აფნა,
ზღვაქ დიხასი მინულუ დო
დიხაშ წკვერემქ გურს დიღვამანწკ,
ხომ ქოიწი ვაირსხენდი,
მუს მიჯინედ, მიჯინედი.