შური
Jump to navigation
Jump to search
ასე ზოთონჯი რე. ბორჯი რულენჯობაშ დო სვანჯიშ. ირფელც ქიმკორულაფჷ დო გვალაშ არძა აკანი გინოთილი რე. ოფუტეს ჭვენც. ღუმანერი სერშე ქიდიჭყჷ ჩხაპალი დო ამარ-ამარ შქადღაშახ ვადაჸანებე. შურჲ იშენ ფურე რე. თიშ კორთხოს ლერსეფიშე მუკნაჭყვიდა ზიტყვეფი გილეფარფალუნა იშო-აშო. ხვამარდის გჷ შური, ზუღაშ პოპორეფიშ მენდული ხვამარდის. დო უკულჲ კინე ქიდიჭყანს თინა ფათქუას, სვანჯი მიდინჷ. ჩქიმ თოლონწო შური ეწმაფაფჷ. გელალუ ჰავა, ხანგაცალო დომიქექუანც დო მაქადარი მიდაჸუნუ ბორზალ ბორიას. იფათქჷ შური დო ცაშ ზოჯუშა დუდი მეუღჷ, დიო მარდაშე იჭკვერებჷ, მეურც ფურინჯა, მუმალჲ შხვადო რე, მოკოტყობჷ, ალბეთ, ცაშ კიდირც...
სსუ... სქანჲ ოგვაჯეს ქინოდოხოდჲ დიო...