შარაერთელს შარა მეუღუ

by კოტე ნაჭყებია

please do not remove empty parameters (see the template documentation).

შარაერთელს შარა მეუღუ by კოტე ნაჭყებია

   
შარაერთელს შარა მეუღუ
ეჩილათირ უშარეშა.
ღორონთუმე, მუთა მიჭირს,
ღურელი უღურალეშ გეშა.
ჩქიმ ხიოლი პუხუს მუმობუ,
უძიცელო იბძიცანქ,
არძას ყოროფას უჯღონა
მა მის ცოცხალოთ ბწანქ.
ღურელს იშენ იწამუანს,
მინს წანს დო ვაწანსუნი,
ნამუთი ღვინს ყურწუნსუ დო
უხუპუანს ხაწასუნი.
მა ჩქიმი შურიში მაჭარით
უვაიჭარემს ვოჩხონუა,
ოღონს ღორონქ ვემემტუას
მარდობუაში მოჯღონუა.
შარაერთელს შარა მეუღუ
მის უჩქ სონი უშარეშა...
მა თაქ შური გილამთირუ
თქვანი ყოროფაში ეფშა.