ღურელს ღურუშა ვაშქურუ

by კოტე ნაჭყებია

please do not remove empty parameters (see the template documentation).

ჸუჩა ულუ by კოტე ნაჭყებია

მევუჯღუნი მარგალურ პოეტურ კათელს ,,აგოთანას"

   
ღურელს ღურუშა ვაშქურუ,
მა ურინელს რინი მიღუ,
მაზაკვალიშ ნაშურაქ
ონჯღორეთ მოპტალიკუ.

ვამიჩქ მიში ნაჩართა რენ
ათე შარა, შორს მარტებუ,
მილიონ დო ართი თა რე
გურშა დაჩხირ მუნანტებუ.

დუსუ კვარჩხი ცა გიმორთუ,
მუკმოქუნსუ ჭყენჭყიში ლეტა,
ოდაბადე, ჩქიმი მორდუ,
მი დო მიში რე ნახენდა.

იბიბრდინა ჩქჷჩქჷცალო,
ელმუვონჯა ჯღარუ თოლც,
თექი ნარღიში გინანწალა
ანდა ღურუ ინოთორს.

გუშმაბგორ ღურუემს,
ათნა ჯგირი, თენა გლახა,
სო რენ მიშამტყურუეს
სონით ვორექ დინალახა.

ღურელს ღურუშა ვაშქურუ,
უღურალეს ბორჯიშ დღაშა...
სამოთხეში კობუ უშქური
ადამს მიშმაშქვანს ტყაშა,

11. 11. 2014 წანა