ღურა ლექინ ორდასუნი გოლუა...

by ლაშა გვასალია

please do not remove empty parameters (see the template documentation).

* * * by ლაშა გვასალია

ლერს ალაგ ყამაცალო
ცაშ ორჩხესი,
ღურშა მითინს
ვამარინე ლიკვითი,
დღალეფქ რინას
იმენდეფი გელურჩხეს
თოლს მეუნთირ
ოშურეთი ძიკვითი...
 
გეშაწირე უჭარაფუ
ხიოლი,
გოლვაფირო, ხვამაშ გეშა
გეფსქიდი...
ტვინს მირთანს
მუნაფილი რსიოლი...
ჩხვირალ ჩხვიჩხვო
ჸოროფათი დოფსკიდი...
 
ღურა ლექინ ორდასუნი,
გოლუა,
ღორონთეფი ღურუდესი
წოხოლე,
რინა ჸოფე ჭვილ დღალეფიშ
ლოლუა,
თეშენ ცაშა მუნაფათუ
ვეხოლე!..
 
ლერსშა მემიდგ
ჸოროფა დო თელარა,
ცას მეხიბილ
ჭყონჭყოშიაშ ჭველარა...
შურ კიროღილ თუმაცალო
თუთელი,
დღალეფ ბირაშ ბირგულეფით
ბურთელი!..
 
ღურა ლექინ ორდასუნი
გოლუა,
ღორონთეფი ინჭანდესუ
წოხოლე!..