ქომონჯი ღურელ ოსური დო მაჭირხოლი
| ქომონჯი ღურელ ოსური დო მაჭირხოლი by |
| http://afxazurmegruli.blogspot.com/ |
ქომონჯი ღურელ ოსური დო მაჭირხოლი ემუორე,მუორე, რდუ ართ ქომონჯ ღურელ ოსური ბრელი სკუა ჸუნდუ დო გაჭირებულო შიბულენდ ლუკმას.
ართ დღას თე ოსური მუშ ჯარგვალიშ შქაკარს გეხედუ დო ბაღანაშ კაბას გიოჭანდუ, უცფას ოგვაჯეშე მაჭირხოლიშ მართვექ გეითოლუ დო თე ოსურიშ კუჩხებწკუმა ქიგელ, გეჭოფ თე ოსურქ დო ხეშქა გურს ქიგიხუნუ დო ქოძირ მუშ აკაფცხა კუჩხი ტახილ აფუდუნ. კეთილ გურიშ ოსურ რდუ დო ეცოდ, ტახილ კუჩხ ძაფით გუკირ დო მუშ ოგვაჯეს ქინახუნუ.
ქუმორთ დამორჩილქ ფსუალამებქ ტიბუ ქიანაშა მიდაფურინეს, მაჭირხოლიშ ოგვაჯექ დეცარიელ. ქუმორთ ზოთონჯიქ, მალას გუშულირქ ხოლო, დო კინ ქუმოფურინეს მაჭირხოლებქ. ართ სკვამ მერეთ დღას ოსურ კინ ჸუდეშ შქაკარს გეხედ დო მუჭო ირო უჩქუდუნ თეშ მუდგარენს ელაჭანდ, უცფას სოლედგარენ მაჭირხოლქ ქუმოფურინ დო თე ოსურს კართეშა კოპეშიაშ წკა ქეშუოთ, მუდგარენ ხოლო ქიგიოღურჭულუ დო ცას ქიგედინ.
თე ოსურქ ქიმეხვად თინა მუშ გინოსკილადირ მართვერდნ. კოპეშიაშ წკა ორტვინს დიხას დოფულ, ქინათასუ თეშ თიჯგუა კოპეშიაქ გერთუ კოჩიშ თოლიშ უძირაფუქ. მუჟამ ქუმორთუნ ოსურქ ხამუთ, გოკვათუ დო თოლსერიშ მაძირაფუქ ქიმიოღვარუ: კოპეშიაშე ოქრო დო ვარჩხილქ გეითოცუ. ხიოლით ოსურქ მეზობლებშა ირულუ დო თე გასაკვირ ამბე ქეჩუ.მაზაკვალ დო მენჯარიშ ოსურს გურს უბადო ნოღვე. ქუმაცადუ ზაპხულიშ მოულას დოგორ მარჭიხოლიშ ოგვაჯე, მართვე გეშეონ, ძალით მეტახუ კუჩხ დო თი ადგილი შურ დო გურით აბრეშუმიშ ძაფით გოუკირ დო ქიდიჭყუ ჯინა მუჟამ აშიდ ძღვენინ. შურ ოლუდ მუჟამ მიშ გუშულირინ, დღალეს მეთვალუნდუ. მანგიორქ ათექ ქაღოლ;ქუმორთუ გუშულირქ, დირთეს კინ მაჭირხოლეფქ ტიბ ქიანაშე, ართიქ დასურო ქუმოფურინ თე ოსურშა დო კართეშა კოპეშიაშ თას ქაშუოთ ოსურქ უცფას ორტვინს ქაშაოთ დო დოფულუ.ქიდიჭყ ჯინა მუჟამ ეიშ ოქროთ ეფშა კოპეშიან. დასურო გეშართ კოპეშიაქ დო თიშ მადიდათ გინირთ, ხელეფ ონდეთ განჭუდუ. გაჭირებულო გენნიღ თენა თე ოსურქ ჸუდეშა, კარეფ ქინნაკილუ მანგარო ხეს არგუნ ქიდეკინუ მარა ვართ ოქროქ გითოლუ დო ვართ ვარჩხილქ. ქიანაშ მადიდა უჩა დო ჭითა წავლირქ გეშესარსალ დო მენჯარე ოსურს უზოგარო ქენაშკუ მუშ შხამიან კიბირ.