უბედური დო ბედნიერს

by ჯვეში მარგალური პოეზია

please do not remove empty parameters (see the template documentation).

უბედური დო ბედნიერს by ჯვეში მარგალური პოეზია

ხუტა ვეკუა „კოჩარა და კოჩარელები“ თბ. 2009წ. გვ.160

უბედური დო ბედნიერს,
ართო გემიძუნა შარა.
დიდი ხანს მითინი ვავორეთ,
დუდის იბღორენთ ვარა.
ბრელი ქონებას ვამასხუპა,
იშო მუთა გაღინე.
დუდიშა გემო ქიძირე დო
ჭიჭე ქიდებაღინე.
შხვაში ქონებაქ ვეგენჯარას,
შხვაში ვათქუა საჸალე.
არძო კოჩი ართინერი ვარე,
ჯგირი კოჩი რჸუნდას მაჸალე.
თინა მითინქ ვედეცქუას,
ქიშუას არძო ფარა.
ნაშიბუ მალას ილეიბუ,
ირო ვემუძინი და ვარა.
კოჩი ქიდებადებუნი,
ვაღურასუნ ვარე შარა.
ღურაშა მუთუნს ვეწარინე,
მუდგაზმა გიღუდას ფარა.
ჸუმენულს წყარი ქოჩი დო
შქირენულსუ ქობალია,
ცოცხალს ოხვამერი ქოუწი,
ღურელს შესანდობარია.