უ
უბადო ზოთონჯიში მაგინძარექია.
უბადო კოჩი უბადო ოჭოფალი ცხენს გორუნს.
უბადოს უბადო მოჸუნსია.
უბადო ოჭოფალი ცხენი უბადოს აკათუუ.
უბედური კოს ქუა ეკოხონც მააჭიშუანც.
უბედური სქუას უბედური ჯოღორი ქუჯგუნია.
უბედურიში ნახანდქჷ ბედნიერს გიოსქიდუა.
უბედურქ თანაფა ხოლო ოღეჯეს დაასერუა.
უგაჯო საკოჯოთ მუშე გინომიშქვია.
უგუნური დიდა დო მუმას სქუა ჭიაქ დუშქვიდუა.
უდუდე კოს დუდიში მაგნიერი ოსური გეხენია დუსი.
უდუპატიჟებელი სუმარი თის ოჭკუნს, მუთი მუქი მიიღუნი.
უთუხელას თანაფას თუხუაქ მუშუურთუა.
უკუდელე ჩხოუ კულედამს ჭანჯს გითიორაჸანდუა.
უკუმელა მის ვაუძირჷნი, მუ უჩქ სინთე მუ ღირჷნი.
უნდებული კოჩიშა ვართი წოხოლე აწიჸუნინე დო ვართი უკახალე ეკიჸუნინენია.
უნჩაშ-უკულაში ირფელს (ხეში კითენს) მიოხე.
უონჯღორეს უონჯღორე მოჸუნსია.
უპაპური ქეჸანას მელა გილაპარპალანც.
ურგებელი კოჩი ჭკომუას ხოლო ურგებელი რენია.
ურგებელი ღურაშა ღურელი რენია.
ურემი გამნირთუნი, შარა უკული იგორუნია.
ურემს გოსაპონანქჷნი - ვაღირწკინუნსია.
ურემს ვეგნურთუმუ, ვარა მუთუნი ვადაბრკებუნია.
ურემს მუჭოთ გეუნჭირანანი, თეში მიოღირწკინანს.
ურემქ დიშქა ვამიიღუდა, თვითონ დიშქა რე.
ურთას ურთე, ირო ურთა იჸინია.
ურიას ქირსიანობას არზენდესჷ დო ჭიჭე კითით უვარანდუა.
ურიაქ თქუა: პირველი ჩქიმი სქუას უზარალებუდასია.
ურია წყაროს მეუღუდუა დო შარა იშენი თეურე მიღუდუა.
ურჩიქინდ შხვაში გაჭირებას ჭკუას გიმირჩქინანს.
ურჯულე ირო ურჯულე იჸი.
ურჯულოს მუთუნი ვამარჯულენსია.
უსქე კოჩი ღიმისქი რენია.
უტუში ნინა მუში ნაჭკადაში უჯგუშო ჭკირუნცია.
უფრაში ვაძირე, თეში უჯგუში ვამგეწონებუნია.
უქვინჯე ტომარეს მუდგა ვენარღვენი, დღას ვეიფშაფუ.
უქვინჯე ხართა (ბუჸუნი) დღას ვეიბშინე.
უქიმინჷნი ინა, ირო იქჷნს.
უღუდუნი ინა ბაბუს ინგარდუ, ვაუღუდუნი იმ მუმას ვაანგარუ.
უშრომებუო ხვალე ღურუუ მურსია კოჩიშა.
უჩა ქოთომი ხოლო ჩე კვერცხის სქუნსია.
უჩქიმეთ ჩქიმი სქუაქ ვეჸუა.
უწესო ოჯახის საქონელი ხოლო უწესო რე.
უჭირო საჭირო ჩანგელიაში კარსია.
უჭკუო დიმდარს ჭკვერი ღარიბი უჯგუ.
უჭკუო დო უგუნური, კებურს ეკიბუნგონუნი.
უჭკუო დუდი კუჩხიში მაშულადარი რე.
უჭკუო დუს ეშე ხოკუნანია.
უჯოღორე ქიანას კატუს ოლალაფესია.