სიზმარი.
Jump to navigation
Jump to search
გიმასიზმარ, ღორონთემც
გეგმურთუმუდესი თუდო,
ტანც მუნაფა მუკაქუნდეს,
დო ბჟა გიორთუდეს ქუდო.
ვარჩხილიში ფსუაცალო
მუკობუდუ თუთა ცასი.
დო თანდუდუ თუთაშფერო
თი სასწაულ თუთაშხასი.
ანგელოზეფ მოჸუნდეს,
ღორონთემც მაჸვენჯეფო,
თინეფიში სქუალეფი
დედამიწაშ დარენჯეფო.
გილეშეს, ქადაგენდეს,
ცა იბირდ, ბჟა იბირდ,
დო კოჩი კოც ვაჸვილუნდ,
ვართ ნახანდის მიოხირდ...
ირკოც ართიან უჸორდუ დო
მითინ ვარწყედ უჩა დღას,
მუდგარენი სარკო ორდუ
თი თუთაშფერ თუთაშხას...
გუმაკურცხინ, გიბჯინიო,
მედინაფედ ნასიზმარუ,
ღორონც ძიცა ქუდუჭყაფუდ,
თუთათ ნტებედ სერით მალუ.