სალემონჯო დედულეთ რე
Jump to navigation
Jump to search
სალემონჯო დედულეთ რე,
საფირცხელო _ ოდაბადე,
ლაკადასუ მუკნარდი ვორექ,
ქიანაშ მიღუ ორაგადე.
ჩქიმ ზუმი დო ჩქიმ მუხური,
ჩქიმი ნინა ლაკადური,
გვალო შხვარე თექიან სიტყვა,
თექიან წკონდა მარგალური.
ლებარდე დო ოსინდალე,
ეურე მარტვილი გვალო სარკო,
ბრელ წმინდანიშ მარდუალ რე,
ჩქიმი ცქვაფა თისუ ვაკო.
ჭყონდიდი დო ჯვეშ სანაკი,
„დედა მოკა“ საფარსაკო,
ეგრისიში ცა დო გვალა,
ჯვეშო მეტი რდჷ -უმოს ფართო
ტეხირი, ზანა, ჭითაწყარი,
კირდეს ინგური მირაბადუ,
სამარგალოში გურიშ ჭუას
ჩქიმი ხობწყარი მირაგადუ.
მოხანტილ რე სამარგალო,
„ციხე გოჯი“, „რუხიშ ციხე“,
მა იბჭუქ თიშ ჸოროფათუ,
შური თიშა მიშამიხე.
ვემიოტუათ ოდაბადე,
თქვანი ოგვაჯე, თქვანი ბუდე,
ღორონც დუხვამ სამარგალო
არძაშ ოჯახ, არძაშ ჸუდე.