სათოისერო

by ლაშა გვასალია

please do not remove empty parameters (see the template documentation).

სათოისერო by ლაშა გვასალია

სკან ჸოროფა მუნაფა რე, ჯეგე,
მის უწუა უსკანეთუ რინა,
გური ვარე ფულანდი დო ქუა,
შური ვარე უნდღულაფუ რკინა!
ქომწი, ღორონთ, მუ ბღოლუა თოლეფს–
მიკოდგუმილს ცას ჩხანათ დო თუთათ,
მივოჯინექ უჸოროფე გვალეფს
დო სკიბცალო ევრე–ავრე ურთანქ...
გილებიბრქ დო გილაფთხოზუქ რინას,
გობურდღონილს ქარჭუათ დო შიშით,
ქემვარჩქვანით ცაშ უთოლეთ ჯინას,
მედინაფუ ჩქინ თხალეფი ჭყიშის...
მუ მოსკვანა თოლწკურილეფს, ჯეგე,
შური ვარე უნდღულაფუ რკინა,
გური ვარე ფულანდი დო ქუა,
მი დაიჯერს უჸოროფეთ რინას?!..