რძირინ თიმ დღაშე

by გიგა ქავთარაძე

please do not remove empty parameters (see the template documentation).

*** by გიგა ქავთარაძე

მნარტე მა ასე მუჭოთ მასქურ ენმაკაშედე,
მეიჭოფუე გურშა გური დო ჸვა სქან ჸვაშა.
არძა უსქანეთ მუკულირი წანეფ ქაშეპტე
შვენას. შხვანერო მიჩქუ თე გურს მოსვანჯა ვაში.

სქან ძიცა, მუთუნქ ბანალურო ვეგშამირთას დო -
ცას გუთმომინწყუნს, შურიშ ტებაშა ენმახვარხვალუ.
მა მოკო ჩქიმ გურქ მუჭოთ გოფშა თუთაქ, მირთას დო
კილვობუნუე თი სქან ჩე ხელეფს მუჭოთ ნახვილი...

მუდა წანა რდუ თე თოლქ დახე ჩილამურს ირტუ...
ასე თეშ გარზუ, ითამ გამკოლკო მურიცხიქ ცაშე
დო სქან თოლეფიშ სინთეშ ბარჩხალს ვიშ ქალაშქირტუ.
დიო უგინაფ ხიოლ გილაპუნს რძირინ თიმ დღაშე...

04.22.2016 წ.