ჟირ ჯიმა
| ჟირ ჯიმა by |
| http://afxazurmegruli.blogspot.com/ |
ართ კოს ჟირ ქომოლსქუა ჸუნდუ,მუმაშ ღურაშ უკულ ბრელ ხანს ცხორენდეს ართო.ბოლოს გუმორთუალა გინოჭყვიდეს.მუთ ქაპადუდესნ წყნარო დო გურუჭუაფუო გირთეს,ხვალე სკიბ დო ნოხიშ გორთუალას ვემირიგეს. თი სქიბ დო ნოხი მერეთმორსლობა რდუ.მუჟამ სქიბუს მაჟრა ჸურე დართინუანდინ ტაბაკი თოლით უძირაფუ ოჭკუმალ--ოშუმალით ეიფშაფუდუ,კვარჩხანშე ოქრო ცენდ,ნოხის კუჩხით ქიგედურთუდინ დო ქოუზოჯუნდინი:
გეფურინ,ნოხი,გეფურინი,გეფურინუნდ ჰავაშა ჟი, თინეფი წყნარ-წყნარო გეიკუნანდუ დო ქოფურინუნდუ სოვრე ოკოდესნ თევრე. ათეს ქიგიაწაკინდეს დო ათე დროს ცხენამ კოჩქ ქუმორთუ დო კითხუ --მუშენ იწაკინდითია. ---ათე სკიბ დო ნოხიში გორთუალა მოკონანია დო მუთუნფერო ვემიბრიგითია.--უწის ჯიმალებქ.--მუშენია, მუ დიდ საქმე რენია თენა?--გიკვირუ ცხენამ კოჩქ. --თე სკიბ დო ნოხი ტყურაია ვაიჩქუდასია, ინა ვარ მერეთ რენია,--თქუ ჯიმალებქ დო გეუნწყეს მუშა რდუ საქმენ.
-მა შეგორიგინუანთია,--თქუ მეშარექ. მარა დიო განშე ქიგედირთითია, მა სკიბ დო ნოხიშ შქას ქაშაბდოხოდუქია დო ჯგირო ქუგუჩანქია გურს. ჯიმალებქ დეთანხმეს დო თექ ქიგიტიეს.
მეშარექ ცხენშე გეგმართ,გეჭოფ სკიბ,ქიდეუ ნოხის,მუქ ჟი ქიგედოხოდუ კუჩხეფ ქადირღუ დო მოფერაფილო გემუანას ქინაძახუ:-გეფურინ,გეფურინ! ნოხიქ დასურო ჭიე-ჭიეთ ეიკინუ ჟი დო მალას ცაშა ქოლუ,ჯიმალებს ჟიშე ქეითაძახუ:-შვიდებით, თქვან სქკიბ დო ნოხი მა მემიღუ დო ანწი ოწაკინდებელი მუთუნ ვაგაღვენუნანია, მანგიორ ჩქიმ ცხენს გიტენთ დო ომათირეთ გედოხოდით დო ეკე-დიკე გილარულათ გურ იკეთითია.