ნდოლო ცუნდელჲ
Jump to navigation
Jump to search
ნდოლო ცუნდელჲ,
გვალა თილჲ,
ცა ნაჭვემა,
ნირს ფაჩილჲ,
შარა ულათ
შულადირჲ,
დაჩხირ ყებურს
დორძამილჲ,
ყანწჲ ღვინით
შუმაფილჲ,
გურ ჸოროფათ
წყუნაფილჲ,
ტყვია თოფის
მორხინილჲ,
ჭყორ ნაფურნა
ვაჭოფილჲ,
ცურუ ჯას ჟი
ჭირნაფილჲ,
ბუძგურიეფ ჯას
ცუმილჲ,
ხინჯი ბოგას
გოდგუმილჲ,
ოშ ნაულა,
ოშშა ნწყვილჲ,
აკნარღვეფი
აკონწყილჲ,
ოფულარი
ვაფულირჲ,
სიტყვაშ რთაფა
კვარკვანტი,
იშო-აშო
კვარკვანწი,
ნახარებუ
ხიოლი,
გოთანაში
ციორი,
მუმულეფიშ
ჸიონი,
დადულეფიშ
ფიორი,
ოშშა ჰამო
რაგადი,
ოშშა ჭვახეთ
კვარწახი,
ავრე ათორჩქინაფა,
ევრე ღირთაფ-რცქინაფა,
დღა-სერიში ჭუებულჲ
ვაიწუე, მუს გიფულჷ,
ტყურათ გოპუნქ
გუმართუქ,
მა ვავორექ
დუმართუ.
შარა ბოგას აკორე
ნირს გოთანას აწაფაფჷ
მუთუნ კოჩის ვაჭოფე
ჭყორ ფურინელ აკაშა.