ნაბორდიშა

by ლაშა გვასალია

please do not remove empty parameters (see the template documentation).

ნაბორდიშა by ლაშა გვასალია

კიმირი დო კარკუნტია
ხვირინელ დო ხარხუნტელი,
რულიშ კამა ბადუდია
სისმარეფით კაკუტელი...

რიკით ბირკილ ბარკულეფი,
ფურინელი ფურცელეფი,
ონტყოლეშიშ ნანტყილეფი
აშაფორილ კურსელეფი...

სიფარუა თარსანია-
სირსილი დო სიროტილი,
ათოჸუნელ ფარსაკეფს
ფუჩხოლირო ფირსოლირი...

ჭაფა, ჭაფა, ჭაფურია,
გიმოჭაჭილ ჭალარათი,
ფოფორელ ფართულია
მოფორილ ფალარათი...

ტყობინელი ტატურეფი
ტირტინიში ტირაფონა,
ცანდილი დო ცანდურელი
კორინელი კირაფონა...
 
ქუმაპატი ბორდიშუა
ღორონთ სკანით გორჩქინელსი,
ირო ცაშა მარტებუსი
მურიცხებშა მერჩქინელსი...
 
კიმირი დო კარკუნტია
ხვირინაფილ დარირეფი,
გინომწერა ჯვარ დო ნჭას-
ჩე გვალეფი - ბადიდეფი!..