მუ რდუ თინა!
Jump to navigation
Jump to search
შურს სიტჷბაშ ზღვათ ემფშანდუნ
ოქუმ-წყარშე გინოჯინა,
თოლს ჩილამურ ილაპუნდუნ,
ღორონთი, მუ რდუ, მუ რდუ თინა?!
აფუნ ფსუას გოფაჩუნდუნ,
ვეთებუდუნ მიჩქუდ რინა,
ფურინ მოკოდ ტორონჯცალო,
მუ რდუ, ღორონთი, მუ რდუ თინა?!
თოლ-ჯღარ ცირა გილეშჷ ქართის,
ჩქიმ წვალება ვაგმოშინა!
ქობძირუნდინ-ცა მანწყუმუდ,
ღორონთი, მუ რდუ, მუ რდუ თინა?!
ვეველუდინ, თეშ ქუმურთუმ,
ბედის დუგორ ჩქიმი ბინა,
კარ დურაზინ ვაგუუნჯინ,
მუ რდუ, ღორონთ, მუ რდუ თინა ?!
თეზმა ამბე ისოფ გურსუნ,
კოჩ ქორექ-და, ვამედინა!
სი გიჩქ, ღორონთი, სი გიჩქ ხვალე,
მა გურს მუჭო მაჭუნ თინა!