მუჭო ძირუ არაბეთიში ხენწფექ ყილოში ტყებამი კოჩი

წყარპირს ძირეს დოხუნელო უჩინებუ მიდგარენი,
სადიო გინოძდნი თეში ხასლას ალურდ უჩა ცხენი,
ძვირფას ქუათ ეშანწყილი აფუდ ლაგამ, ონანგერი,
გური ჭვილო ინგარდ ირჩხუდ მითინქ ვეჩინ მინორენი.

გინაქუნდუ ყილოშ ტყები გალე თუმა უღუნ ფერი,
დუსუ ქუდი გიორთუდუ თინა ხოლო თიში ნერი,
ხეს მათრახი უკებუდ კილეშ მაშხვა ორდუნი ფერი,
უჯინენა ოკვირუნა დღას მიქ ძირუ თეში ნერი.