მიშ ლანდირე თოლონჭეს
Jump to navigation
Jump to search
მიშ ლანდირე თოლონჭეს,
ცა ფსუათ მუღ ტორონჯეფს
გვალა წყარმალს ეკოშუნც,
უკულ ნარღეფც ეკორჩხუნც.
ჟი წირე რე, ინი წირე,
ბჟა თოლეფშა ინიწირე.
თაქი რენდო, თექუ ვარე,
კოჩიშ ტანი ჩე ქუა რე.
ჩქიმი გური მუნერი რე?
ტომბას ინოქურელი რე
თუთა ჸუდეს გითივალუ,
მითინ ვაჸუნცუ, მითინ ვარ.
თანჯჲ მოზგირტუ არძა ჸვაშე,
თოლეფჲ კვეცუნს მუნაფაშე.
ბჟა მოურცუ გარგანჯია,
გურ გოფაჩი, კარ განჯია.
ჟირ ოფუტე ოკონტირე,
ართ სქან რინაშ კორკონტი რე.
შურ ურინელც, ცა გურინე,
ლერსეფ ჩიტო ქაფურინე.