მაფშალია (იმედი ჯახუა)

by იმედი ჯახუა

please do not remove empty parameters (see the template documentation).

by იმედი ჯახუა

მაფშალიას ვა საჭირუ
ვართ ციხე დო ვართ გალია,
იშ ღუეჭული არჩქილენი,
გურს მეუღუ ღვართქალია,

ვარა მუში მასკვამა რე,
კუდელ მიოკვათალია,

ჩქიმი ჭიჭე მაფშალია, და...
ვარდიშ ძიგირს ზისხირანსუ
ვარდიშ ჭვირი ყოროფილი...
ღორონთი მათი ყოროფათი

ირო ათეშორო მყვილი!..
იშ ღურჭული დღას ვემმარკა,
ჩილამურს ეშაკოროფილი...
ჩქიმი სკვამი მაფშალია, და...

ართი ვარდი მათ მიორსუ,
ვარდიცალო ძოგირამი...
ჩქიმ ძირაფა მუშნ ვაკო -
გერ ვუჩქუქო კიბირამი?..

დოვღური და ჩქიმ ნანგარა
ჩონგურს ქიგემიბირანი!..
ჩქიმი ჭიჭე მაფშალია, და...