მარგალური "ანანასი"
Jump to navigation
Jump to search
სამარგალოშ "ანანასი",
ხულიშ მჟავე ლაგვანიში.
ირო რხაჩქ დო ირო რთასი,
იმენდ რექი მარგალიში.
ლებიაში ჯიმა რექი,
მენძელი რექ შკირენაში.
ჸვალი ვამაპალუდუნი,
ღუმუს ხოლო ქეშგოხაში.
მინ კაჭაბეთ დორზადი დო
მინ წვანერო ქეგგოხაში.
ზაფანათი გეჭკირილო
მაჭვალი რექ ხორხოტაში.
ჯანფეზია - კომუნისტი
მაჭითარებელო რჸუნსი.
სქანი შური, მუჭო დუსტი,
პარაზიტეფს, ირფელს სპუნსი.
კოჩიქ ბრელი ორჭკომასი,
უკულ სოდგა ალაჸუცუ.
ფეშკვერია სკან ფურცელი
ჭკუას უდინანს დუდსუ.
ამდღა მონატრებულ რექი,
ბაზარს გიღუ დიდი ფასი.
შურდგუმაში ჯინჯი რექი,
ჩქინ მარგალურ "ანანასი".