მარგალური.
Jump to navigation
Jump to search
ათეჯგურა, თეშმაჯგირა,
ორაგადე ჩქიმი ნინა,
კალკალესჷ ოონჯღორჷ,
ონჯღორე რე თიში რინა.
გინორთელი მარგალეფი
ნერჩშა გურსუ ეიჸოთანა,
შხვა ნინაშა იჩიებნა
დუდშა ქუას იჸოთანა.
მარგალური ნანაია
ქოიჸონსუ რულშა გურსუ,
მიხვარხვალუ შკა გურიშა,
ფიჟვჲ იმბარუ, ზისხერ ფუნსუ.
ნანაშ ბირას ენტებუ დო
შხვაშ ორჩქილშა შორშა ურცუ,
თეში ჯინა მოხუჯურო
მოსოფუნსუ უკულ გურსუ.
შხვაშ ქიჸანას იჩინენდა,
მარა ნუმ მეჸიდე შურსუ
მარგალური გიჸორდასჷ,
გალუაფდა ირო დუცუ.
ათეჯგურა, თეშ მაჯგირა
მარგალური ჩქინი ნინა,
არძო ნინაშ უჯგუში რე,
მიჸორცჷ დო მუ ფქიმინა.