მარგალიშჷ სქვამს

by ჯვეში მარგალური პოეზია

please do not remove empty parameters (see the template documentation).

მარგალიშჷ სქვამს by ჯვეში მარგალური პოეზია

შ.ბერიძე "მეგრული (ივერიული) ენა" ტბ.1920წ. ხ.163

ართშახ, მუჟამს სქანი ბახჩას სი ვარდეფსი ოხოლუდი,
უჯგუშჷ ვარდის ონჯღორეშე გიმაკინელჷ აფუდ დუდი...
დოგეკვირი ეთიწკელა, ბძირი – ვარდეფს თეშ უჯგუდი,
მუჭოთ ლალსი, ბრილიანტი, მუჭოთ თუთას, ცას ბჟა დიდი!

მა ფიფქრენქი, განგებაქი იხვარუკო თელი ძალი,
მუჟამს ჩქინჷ წიკვილჷ ქიჸანას იორჩქინუ სქანი ცალი!
ვეიჭარექ, ვეიხანტექ, მუდგენქ, ეფერქ გითოფალი!!...
შიილებე სქანშენჷ თქუანჷ: რეექ სისქვამაშ დედოფალი!!...

ბედინერი თი ქიჸანა, ნამუქით სი დაგაბადუ!!...
არძო მარგალს დუდი მოწონს,– გარჩქილე ჩქინჷ ნარაგადუ.
მარა თინა უბედური, მის სქანჷ გური ვაუმარდუ!!
თი ცალქ ხორინს ჩერცხას უჯგუ, – საქმე ოჭირ იოჭყვადუ!...